કોરોના અપડેટ:સાબરકાંઠામાં છેલ્લા 10 દિવસમાં સરેરાશ કોરોનાના ત્રણ કેસ

સાબરકાંઠા જિલ્લામાં દિન પ્રતિદિન કોરોનાના કેસોમાં ઘટાડો થઇ રહ્યો છે અને છેલ્લા દસ દિવસ દરમિયાન સરેરાશ 3 પોઝિટિવ કેસ નોંધાયા છે. જિલ્લામાં ગુરૂવારે વધુ 2 પોઝિટિવ કેસ નોંધાતા કુલ પોઝિટિવ કેસનો આંકડો 2122 સુધી પહોંચ્યો છે. જ્યારે એક દર્દી કોરોના મુક્ત બનતા રજા આપવામાં આવી છે અને કુલ ડિસ્ચાર્જ આંકડો 2073 સુધી પહોંચ્યો છેે. ગુરૂવારે નોંધાયેલ બે કેસ હિંમતનગર તાલુકાના છે.આરોગ્ય સૂત્રો દ્વારા મળતી માહીતી અનુસાર હિંમતનગરમાં મધુવન પાર્ક સોસાયટીમાં 55 વર્ષિય પુરૂષ, ઇલોલમાં 37 વર્ષિય પુરૂષનો કોવિડ-19 નો રિપોર્ટ પોઝિટિવ આવ્યો હતો.