કોરોના અપડેટ:સાબરકાંઠામાં કોરોનાના કેસ ઘટ્યા પણ મૃત્યુઆંકમાં ઝાઝો ફરક નથી

હિંમતનગર8 મહિનો પહેલા
  • કૉપી લિંક
  • મે માસના પ્રથમ પખવાડિયામાં પ્રતિદિન સરેરાશ 18ના મોત, ત્રીજા સપ્તાહમાં સરેરાશ 15ના કોરોનાથી મોત

સાબરકાંઠા જિલ્લામાં મે માસ દરમિયાન કોરોનાએ કહેર મચાવતા પ્રથમ પખવાડિયામાં હિંમતનગર ખાતે 278 કોરોના દર્દીઓના અંતિમ સંસ્કાર કરાયા હતા જ્યારે ત્રીજા સપ્તાહમાં 103 કોરોના દર્દીઓના અંતિમ સંસ્કાર થયા હતા મે માસના ત્રીજા સપ્તાહમાં પોઝિટિવ કેસની સંખ્યામાં ઘટાડો થયાનું જાહેર કરાઇ રહ્યું છે પરંતુ ડેથરેટમાં ઝાઝો ફરક પડયો નથી.

સાબરકાંઠા જિલ્લામાં એપ્રિલ અને મે માસ દરમિયાન કોરોનાએ તરખાટ મચાવતાં સેંકડો કોરોના દર્દીઓના સારવાર દરમિયાન મોત નીપજી ચૂક્યા છે. મે માસમાં કોરોના પીક તરફ આગળ વધતા હિંમતનગર શહેરના અંતિમ ધામોની સગડીઓ રાતદિવસ ધગધગતી રહી છે એક દિવસ એવો હતો જ્યારે 35 કોરોના દર્દીઓના એક જ દિવસમાં અંતિમ સંસ્કાર કરાયા હતા.

3 જી મેથી 17 મે દરમિયાન આરોગ્ય વિભાગે 1605 સંક્રમિત થયાનું જાહેર કર્યું હતું. આ સમય દરમિયાન હિંમતનગર શહેરમાં 278 કોરોના દર્દીઓના સારવાર દરમિયાન મોત નીપજતા અંતિમ સંસ્કાર કર્યા હતા.જ્યારે 18 મે થી 24 મે દરમિયાન સાત દિવસમાં 566 વ્યક્તિ કોરોના ગ્રસ્ત થયાનું જાહેર કરાયું હતું અને આ 7 દિવસ દરમિયાન 103 કોરોનાગ્રસ્ત દર્દીઓના મોત નિપજતા અંતિમ સંસ્કાર કર્યા હતા. મતલબ, ડેથરેટમાં ઝાઝો ફરક પડ્યો નથી ભલે કેસની સંખ્યા ઘટી હોય.

18 થી 24 મે દરમિયાન પોઝિટિવ કેસની વિગત

તારીખકેસ
18/05/2178
19/05/21118
20/05/21105
21/05/2188
22/05/2186
23/05/2183
24/05/2186

ત્રણ સપ્તાહની મૃત્યુનું વિગત
3 મે થી 17 મે - 278 મોત
18 મે થી 24 મે - 103 મોત

અન્ય સમાચારો પણ છે...