અકસ્માત:પ્રાંતિજના તાજપુરમાં વાહનની ટક્કરે યુવકનું સારવાર દરમિયાન મોત

પ્રાંતિજના તાજપુરના નાકા પર સપ્તાહ અગાઉ રાત્રે વાહનની ટક્કરે ગંભીર રીતે ઈજા પામેલ યુવકનું અમદાવાદમાં સારવાર દરમિયાન મોત થયું હતું.

તાજપુરના ચિરાગભાઈ પુંજાભાઈ સુતરીયાના ભાઈનો દીકરો સ્મિત મનુભાઈ ગત તા. 28-11-20 ના રોજ રાત્રે પોણા એક વાગ્યાની આસપાસ આંટો મારવા રોડ તરફ જતાં વાહનની ટક્કરે ગંભીર રીતે ઈજાગ્રસ્ત થતાં હિંમતનગર સિવિલ અને ત્યારબાદ અમદાવાદ સિવિલમાં ખસેડાયો હતો. તેનું તા. 03-12-20 ના રોજ સાંજે સાતેક વાગ્યે સારવાર દરમિયાન મોત થયું હતું.