દુર્ઘટના:કૂવો ખોદવા દરમિયાન દટાયેલા યુવકનું અમદાવાદમાં મોત થયું

પ્રાંતિજના વિલાસપુર કંપામાં રવિવારે બપોરે કૂવો ખોદવા દરમિયાન ભેખડ ધસતાં ઇજાગ્રસ્ત યુવકનું અમદાવાદમાં સારવારમાં મોત થતાં પોલીસે અકસ્માતે મોતનો ગુનો નોંધ્યો હતો. પોલીસ સૂત્રો દ્વારા મળતી માહિતી અનુસાર વિલાસપુર કંપામાં તા. 31-01-21ના રોજ કૂવાનું ખોદકામ કરવા કલ્પેશભાઈ સમુભાઈ કટારા (21) (મૂળ રહે. ભિચોડ તા. ફતેપુરા જી. દાહોદ) નીચે ઉતર્યા હતા અને કૂવાના ખોદકામ દરમિયાન ભેખડ ધસી પડતાં માટી નીચે દબાઇ ગયા હતા.

કલ્પેશભાઈને સારવાર અર્થે હિંમતનગર સિવિલમાં લાવવામાં આવ્યા બાદ વધુ સારવાર અર્થે અમદાવાદ ખસેડવામાં આવ્યા હતા તા. 01-02-21 ના રોજ અમદાવાદ સિવિલના ડો. પી.આર. મકવાણાએ કલ્પેશભાઈ કટારાનું 4:20 કલાકે સારવાર દરમિયાન મોત થયું હોવા અંગે જાણ કરતા પ્રાંતિજ પોલીસે એ.ડી. નોંધી વધુ તપાસ હાથ ધરી છે.