ધરપકડ:ખેરોજ તથા દાણમહુડી વિસ્તારમાં રેતી ચોરી કરતા 3 ટ્રેક્ટરો પકડાયા

સાબરકાંઠા જિલ્લામાં સાબરમતી પટ્ટ તથા અન્ય વિસ્તારોમાં થઇ રહેલ ખનીજ ચોરી અટકાવવા ખાણ ખનિજ વિભાગ દ્વારા ડ્રોન કેમેરાનો ઉપયોગ કરાઇ રહ્યો છે બુધવારે ખાણ ખનિજ વિભાગે ડ્રોન કેમેરાના ઉપયોગ દ્વારા ખેરોજ તથા દાણમહુડી વિસ્તારમાં રેડ કરી બિન અધિકૃત રીતે ખનીજ ચોરી કરી રહેલ 3 ટ્રેક્ટરો પકડી પાડ્યા હતા.

બુધવારે ખાણ ખનિજ વિભાગની ટીમે ડ્રોન કેમેરાના ઉપયોગથી ખેરોજ તથા દાણમહુડી વિસ્તારમાં રેડ કરી હતી અને બિનઅધિકૃત રીતે ખનિજ વહન કરતા 3 ટ્રેક્ટરો મળી આવતા રૂ.15 લાખનો મુદ્દામાલ જપ્ત કર્યો હતો અને રૂ. 1.35 લાખ દંડ વસુલવા કાર્યવાહી હાથ ધરી હતી. ઉલ્લેખનીય છે કે તા. 02/02/21 ના રોજ પણ ખાણ ખનિજ વિભાગે ઇડરના કપોડા ખાતેથી બિનઅધિકૃત રીતે ખનીજ ચોરી કરી રહેલ 2 જેસીબી મશીન તથા 3 ટ્રેક્ટરો જપ્ત કરીને રૂ.4.85 લાખની દંડકીય કાર્યવાહી કરી હતી.