દુખદ:ખેડબ્રહ્માના ઉન્ડવા પાસે કારની ટક્કરે વૃદ્ધનું મોત, માથામાં ગંભીર ઇજાઓ થતાં મોત થયું

ખેડબ્રહ્માના ઉન્ડવા પાસે સ્કૂટર સવારને વૃદ્ધને કારની ટક્કર વાગતાં પ્રથમ ખેડબ્રહ્મા સિવિલમાં લઇ જવાયા બાદ વધુ ઇજાઓ થતાં હિંમતનગર રિફર કરાતાં મોત થતાં ચકચાર મચી ગઇ હતી.ખેડબ્રહ્મામાં ઉન્ડવાની ઉમિયાનગર સોસાયટીમાં રહેતા પટેલ છગનભાઇ વશ્રામભાઈ પટેલ (70) પોતાનું ઇલેક્ટ્રીક સ્કૂટર લઈને જઇ રહ્યા હતા. ત્યારે ટાટા સુમો જીપ નં. જી.જે.9.વિવી. 0282 એ સ્કૂટરને ટક્કર મારતાં છગનભાઇ પટકાતાં માથાના ભાગે ઇજાઓ પહોંચતા સારવાર માટે ખેડબ્રહ્મા જનરલ હોસ્પિટલ ખસેડાયા હતા. પણ છગનભાઈને. માથામાં ઇજાઓ વધુ હોઇ સારવાર માટે હિંમતનગર રિફર કર્યા હતા. જ્યાં સારવાર દરમ્યાન મોત થયું હતું.