પોલીસ પર ભારે મહિલાઓ:પોલીસ સાથે ઝપાઝપી કરી બુલેટચોરીના શકમંદને ત્રણ મહિલાઓ ભગાડી ગઇ

ઇડરના ઓડામાં બુલેટચોરીના શકમંદને પાલનપુર પોલીસ ઓડા ગામમાંથી પોતાની કારમાં લઇ જઇ રહી હતી. દરમિયાના બે થી ત્રણ મહિલાઓ પોલીસ સાથે ઝપાઝપી કરી કારમાં શકમંદને લઇ ફરાર થઇ જતાં ચકચાર મચી ગઇ હતી.ઓડાના બુલેટ ચોરી કેસના શકમંદને પાલનપુર ગ્રામ્ય પોલીસ ઓડામાંથી પોતાની કાર નં. જીજે 08 આર 6502માં પૂછપરછ માટે ઇડર લઈ આવી રહી હતી. ત્યારે ઓડા-ઇડર વચ્ચે શકમંદને છોડાવવા રસ્તામાં બાઇકની આડશ કરી રોકવાનો પ્રયાસ કર્યો હતો. પરંતુ રોકી શક્યા ન હતા.

પરંતુ ઇડર બજારમાં સંઘ આગળ બાઈકની આડશ કરી રોકી હતી. ત્યાર અન્ય કારમાં સવાર બે થી ત્રણ મહિલાઓ આગળ આવી પાલનપુર પોલીસ સાથે ઝપાઝપી કરી શકમંદને છોડાવી ને ફરાર થઈ હતી. પાલનપુર પોલીસે ઇડર પોલીસનો સંપર્ક કરતાં ઇડર પીએસઆઈ ચાવડા તાત્કાલિક આવી પહોંચ્યા હતા અને સમગ્ર ઘટના ની માહિતી મળેવી ઓડામાં તપાસ અર્થે પહોંચી પોલીસે ઓડાના આગેવાનોને બોલાવી શકમંદ ને હાજર કરવા જણાવ્યું હતું.}પરેશ પટેલ