અકસ્માત:ગંભીરપુરા પાસે ઇકોની ટક્કરે બાઇકચાલક અને બે મહિલા ઘાયલ

ઇડર-લીંભોઈ રોડ પાસે ઇકો ચાલકે બાઈકને ટક્કર મારતાં બાઈકચાલક, સવાર બે મહિલા ઘાયલ થઇ હતી. તમામને સારવાર અર્થે ઇડરની ખાનગી હોસ્પિટલમાં ખસેડ્યા હતા. અકસ્માતમાં ત્રણ વર્ષના બાળકને કોઇ ઇજા થઇ ન હતી. ઓડાના વિક્રમજી જગતસિંહ પોતાની બાઇક નં.જીજે ૦૯ સીયુ ૧૬૫૮ પર વિક્રમસિંહની પત્ની લક્ષ્મીબેન અને તેમના સાસુ ગીતાબેનને લઇ ભિલોડાના બોલુન્દ્રામાં કામ જઈને આવતા હતા. ગંભીરપુરા પાસે ઇકો ચાલકે બાઈકને ટક્કર મારતાં વિક્રમસિંહને સામાન્ય ઇજા થઇ હતી. ગીતાબેન હીરાભાઈ ઠાકરડા (45) ગામ બરવાવ અને લક્ષ્મીબેન વિક્રમજી સોલંકી (24) ને પગે ગંભીર ઇજા થતાં 108 મારફતે ઇડર સિવિલમાં સારવાર માટે ખસેડાયા હતા.