મર્ડર ફોલોઅપ:સંભાલીમાં ખૂની ખેલના હત્યારાની કોરોનાના ટેસ્ટ બાદ ધરપકડ કરાશે

શહેરા તાલુકાના સંભાલી ગામે નાયક ફળિયામાં શનિવારની રાત્રીએ જમવા માટેના લાકડા ન કાપવા બાબત કાકા કાકીએ અનાથ ભત્રીજાને ઠપકો આપ્યો કે લાકડા નહિ કાપુ તો ખાવાનું નહિ મળે, જે બાબતની રિષ રાખી હત્યારા ભત્રીજા જયંતિએ લગ્ન પ્રસંગે ફળિયાના અન્ય લોકો બહારગામ ગયા હતા.

ત્યારે શનિવારની રાત્રીના કોઈપણ સમયે પોતાની પાસે રહેલી કુહાડી વડે તેના કાકા કાકી જે ખાટલામાં સૂતા હતા ત્યાં જ આડેધડ ઘા મારી નિદ્રાધીન દંપતીને ચીર નિંદ્રામાં સુવડાવી દીધા હતા અને ખૂની ખેલને અંજામ આપી ત્યાંથી ભાગી છૂટ્યો હતો પરંતુ ગામવાળાની સજાગતાના કારણે તેને કેનાલ પાસેથી પકડી પાડવામાં આવ્યો હતો અને પોલીસ ન આવી ત્યાં સુધી તેને બાંધી રાખી પોલીસ આવતા સોંપવામાં આવ્યો હતો.પોલીસે રવિવારના રોજ કોવિડ-19ની માર્ગદર્શિકા મુજબ તેનો રેપીડ તેમજ અન્ય ટેસ્ટ માટે મોકલી આપી નિદાન પછી તેની ધરપકડ કરવામાં આવશે. સાથે જ એફ.એસ.એલ પણ ત્યાં પહોંચી જરૂરી કાર્યવાહી હાથ ધરી હતી.