કાર્યવાહી:શહેરા - નાડા બાયપાસ રોડ પર માટી ભરેલું હાઈવા ડમ્પર ઝડપાયું, સ્થળ પર પહોંચી મામલતદારે કાર્યવાહી

શહેરા નગરમા અણીયાદ ચોકડી વિસ્તારમાં નાડા બાયપાસ રોડને અડીને હાઈવા ડમ્પરની અંદર કોઈ જગ્યાથી માટી ભરીને જમીન સમથળ કરવામાં આવી રહી હોવાની માહિતી મામલતદાર મેહુલ ભરવાડને ખાનગી રાહે મળી હતી. મામલતદારે રોડને અડીને આવેલી જગ્યા કે જયાં માટી નાખવામાં આવી રહી છે.

ત્યા પહોંચી તપાસ હાથ ધરતા સ્થળ ખાતેથી હાઈવા ડમ્પર માટીથી ભરેલ મળી આવ્યુ હતું સાથે જેસીબી મશીન પણ મળી આવ્યું હતું. આથી મામલતદાર દ્વારા સ્થળ ખાતે ખનીજ વિભાગના નિયમોનું પાલન થઈ રહ્યુ ના હોવાથી જરૂરી કાર્યવાહી હાથધરીને માટી ભરેલ હાઈવા ડમ્પર અને જેસીબીને મામલતદાર કચેરી ખાતે લાવવામાં આવેલ હતું.આ જેસીબી મશીન અને હાઈવા ડમ્પર રાજકિય વગ ધરાવતા મહેન્દ્રનું હોવાનુ ડ્રાઇવર જાણવા મળ્યું હતુ. મામલતદાર મેહુલ ભરવાડ ની કડક કાર્યવાહીના પગલે ખનીજ ચોરોમાં ફફડાટ ફેલાઈ જવા પામ્યો હતો.