કામગીરી:શહેરામાં ન.પાલિકા દ્વારા વધુ 80 દબાણો દૂર કરાયા

શહેરામા બીજેા દિવસે નગરપાલિકા ટીમે પોલીસ બંદોબસ્ત સાથે વધુ દબાણો હટાવાની કામગીરી શરૂ કરવામા આવી હતી. જેમા સવારથી બસ સ્ટેશન વિસ્તાર, સિંધી ચોકડી તથા અણીયાદ ચોકડી સુધીના દબાણો હટાવવાની કામગીરી શરૂ કરી હતી. જેમા પાલિકાની ટીમ સાથે જેસીબી અને ૩ ટ્રેક્ટર દ્વારા 80 ઉપરાંત દબાણો હટાવામાં આવ્યા હતા. દબાણો દુર કરવાની કામગીરીને કારણે સ્થાનિક વેપારીઓમા પર થોડો રોષ જોવા મળતો હતો. આ દબાણો હટાવવામાં નગરપાલિકાના ચીફ ઓફિસર અર્જુનસિંહ પટેલ, સિનિયર સેનેટરી ઇન્સ્પેક્ટર જીતેન્દ્રસિંહ રાઠોડ, એન્જિનિયર જીગ્નેશ શાહ, જીતુ ભાઈ જોષી શહિત પાલિકાની ટીમ પીઆઈ સહિતના પોલીસ બંદોબસ્ત સાથે આ દબાણો હટાવ્યા હતા. વેપારી અને પાલિકાના ચીફ ઓફિસર વચ્ચે તુ તુ મે મે સાથે દબાણ હટાવવાની કામગીરી ચાલુ રહી હતી.