કાર્યવાહી:પરવડી ચોકડી પાસે બાઇક પર દારૂ સાથે 2 જણાં પકડાયા

મોરવા(હ)ના સંતરોડ બાજુથી બાઇક ઉપર દારૂનો જથ્થો લઇને ગોધરાની પરવડી ચોકડી પરથી વડોદરા તરફ જવાના છે. તેવી બાતમી ગોધરા તાલુકા પોલીસને મળી હતી. બાતમીના આધારે તાલુકા પોલીસે પરવડી મહુલીયા તરફના રસ્તા પર નાકાબંધી કરી હતી. બાતમીવાળી બાઇક આવતાં પોલીસે બાઇક ઉપરના થેલામાં તપાસ કરતાં રૂા. 27300નો દારૂનો જથ્થો મળી આવ્યો હતો.

પોલીસે બાઇક ઉપર આવેલા દશરથભાઇ કાનજીભાઇ ભુરીયા તથા આનંદભાઇ સેવાભાઇ ગણાવાઓને પકડી પાડવામાં આવ્યાં હતા. પોલીસે મોબાઇલ ઉપરાંત દારૂનો જથ્થો અને બાઇક મળીને રૂપિયા 53710નો મુદ્દામાલ કબજે કરીને ગોધરા તાલુકા પોલીસ મથકે બે વિરુદ્ધ પ્રોહિનો ગુનો નોધીને તપાસ હાથ ધરી હતી.