કોરોનાના વળતા પાણી:પંચમહાલમાં કોરોના નિશ્ચિત હાર તરફ, એકપણ કેસ નોંધાયો નથી

તંત્રના સઘન પ્રયાસોના પરિણામે પંચમહાલ જિલ્લામાં કોરોનાની સ્થિતિ સતત નબળી પડી રહી છે. શનિવારે જિલ્લામાં કોરોના સંક્રમણનો એક પણ નવો કેસ નોંધાયો નથી જ્યારે સામે પક્ષે 4 દર્દીઓને સારવાર બાદ સ્વગૃહે પરત ફરવાની રજા મળતા જિલ્લાના કુલ સક્રિય સંક્રમિત દર્દીઓની સંખ્યા 19 રહેવા પામી છે.

જિલ્લામાં અત્યાર સુધી કોરોનાના સંક્રમણના કુલ 3951 નોંધાયા છે, જ્યારે સારવાર બાદ કુલ 3792 દર્દીઓ કોરોનાને આકરી શિકસ્ત આપી ઘરે પાછા ફર્યા છે. અત્યાર સુધી જિલ્લાના શહેરી વિસ્તારોમાં 2888 કેસો અને ગ્રામીણ વિસ્તારોમાં 1063 કેસ નોંધાયા છે.

મહીસાગરમાં 01 પોઝિટિવ કેસ
મહીસાગર જિલ્લામાં લુણાવાડા તાલુકાના 1 પુરૂષનો કોરોના રીપોર્ટ પોઝીટીવ આવતા જિલ્લામાં કુલ 2009 કેસ પોઝીટીવ નોધાયા છે. આજે જિલ્‍લામાં સારવાર લઇ રહેલ દર્દીઓ પૈકી વિરપુર તાલુકાના 1 પુરૂષે કોરોનાને મહાત આપતાં રજા આપવામાં આવતાં સ્વગૃહે પરત ફર્યા છે. જિલ્‍લામાં અત્યાર સુધીમાં કુલ 1949 દર્દીઓ સ્વસ્થ થઇને સ્વગૃહે પરત ફર્યા છે. જિલ્લામાં કોરોનાના સંક્રમણને કારણે 9 વ્યક્તિનું મૃત્યુ થયા છે. જયારે અન્ય કારણથી 36 દર્દીનુ મૃત્યુ થતાં જિલ્લામાં કુલ 45 મૃત્યુ નોંધાવા પામ્યા છે. અત્યાર સુધીમાં જિલ્લામાં સીઝનફલુ/ કોરોનાના કુલ 122899 રીપોર્ટ નેગેટીવ આવ્યા છે. તેમજ જિલ્લાના 110 વ્યક્તિઓને હોમ ક્વોરોન્ટાઇલ હેઠળ રાખવામાં આવ્યા છે.