ભાસ્કર વિશેષ:પંચમહાલ જિલ્લામાં કોરોનાની સ્થિતિનો તાગ મેળવવા ગ્રામ વિકાસ મંત્રીએ સિવિલની મુલાકાતથી સમીક્ષા કરી

ગોધરા/લુણાવાડા4 મહિનો પહેલા
  • કૉપી લિંક
  • કોરોના સંક્રમણની સ્થિતિ અને આયોજન વિશેની તલસ્પર્શી વિગતો મેળવી

પંચમહાલ જિલ્લામાં કોરોના સંક્રમણના વધી રહેલા કેસોની સંખ્યાને ધ્યાને લઈ જિલ્લાના પ્રભારીમંત્રી અને, ગ્રામ વિકાસ અને ગ્રામ ગૃહ નિર્માણ મંત્રી અર્જુનસિંહ ચૌહાણે શનિવારે ગોધરા જિલ્લા સેવાસદન ખાતે જિલ્લા વહીવટીતંત્રના વરિષ્ઠ અધિકારીઓ સાથે કોરોના સંક્રમણની સ્થિતિ અને ત્રીજી લહેરનો સામનો કરવા માટે તંત્ર દ્વારા કરવામાં આવેલ પૂર્વ તૈયારીઓની વિગતવાર માહિતી મેળવતા સર્વગ્રાહી સમીક્ષા હાથ ધરી હતી.

જિલ્લા પ્રભારીમંત્રીએ સઘન સર્વેલન્સ ઝડપી અને વ્યાપક ટેસ્ટિંગ, અસરકારક ટ્રેસિંગ, આઈસોલેશન-ક્વોરેન્ટાઈનનાં ચુસ્ત અમલ, પ્રજાકીય જાગરૂકતા અને સક્રિય ભાગીદારી, સામાજિક-ધાર્મિક આગેવાનો- સંસ્થાઓનાં સહયોગ અને સંકલનની મદદથી સંભવિત ત્રીજી લહેરને ખાળવાની વ્યૂહરચના પર ભાર મૂક્યો હતો. મંત્રીએ કોરોના સંક્રમણના કેસો જે વિસ્તારોમાંથી મળી રહ્યા છે તે વિસ્તારોમાં ટેસ્ટિંગ અને કોન્ટેક્ટ ટ્રેસિંગ પૂરતા પ્રમાણમાં થાય, લોકો જાગૃક થઈ સ્વૈચ્છિક રીતે આઈસોલેસનનું પાલન કરે તે દિશામાં કામગીરી કરવા જણાવ્યું હતું.

દ્વિતીય લહેરની પીક સમયે આવી રહેલા કેસો, સક્રિય કેસો, બેડ અને ઓક્સિજનની જરૂરિયાતને ધ્યાનમાં રાખીને તંત્ર દ્વારા તૃતીય લહેરનો સામનો કરવા માટે પૂર્વ આયોજન કર્યું છે. જાહેર સ્થળોએ ફરજિયાત માસ્ક, સોશિયલ ડિસ્ટન્સિંગ, સેનેટાઈઝરનો ઉપયોગ થાય તે સુનિશ્ચિત કરવા જણાવ્યું હતું.

મહીસાગર જિલ્લામાં કોરોના સંક્રમણનાં કેસોની સંખ્યા વધતા જિલ્લાના પ્રભારી અને રમતગમત, યુવા અને સાંસ્કૃતિક પ્રવૃતિઓ વિભાગના સચિવ અશ્વિનીકુમારનાં અધ્યક્ષસ્થાને સેવા સદન ખાતે કોવિડ-19ની સંભવિત ત્રીજી લહેર સામે પૂર્વ તૈયારીઓ અંગે એક ઉચ્ચસ્તરીય સમીક્ષા બેઠકમાં લુણાવાડા તેમજ જિલ્લાના ગ્રામ્ય વિસ્તારોમાં કોરોનાના કેસ, ટેસ્ટિંગ, ટ્રેસિંગ, કોવિડ ડેડિકેટેડ હોસ્પિટલો, બેડની સંખ્યા, ઓકિસજનની સુવિધા, ઓકિસજનના નવા પ્લાન્ટ, વેન્ટીલેટર, દવાઓ, સારવારની સુવિધા, સહિતની વિસ્તૃત ચર્ચા કરવામાં આવી હતી.

અન્ય સમાચારો પણ છે...