ધરપકડ:ચોરીની મોટર સાઇકલ સાથે પોપટપુરા પાસેથી એક ઝડપાયો

ગોધરાના પોપટપુરા પાસેના ગણેશ મંદિર પાસે ગોધરા એસઓજી પોલીસ વાહન ચેકિંગ કરી રહ્યું હતું. તે દરમિયાન નંબર પ્લેટ વગરની શંકાસ્પદ બાઇક લઇને આવતાં એક વ્યક્તિને પોલીસે રોક્યો હતો. પોલીસે બાઇક ચાલક મિત્તુલકુમાર ઉફે મીતેશ કીરણસિંહ ગોહીલ પાસે બાઇકના કાગળો કે આધાર પુરાવા માગ્યા તો તેની પાસેથી ન હોવાનું જણાવેલ. પોલીસે તેની અટક કરીને પૂછપરછ કરતાં મિતેશ ગોહિલે બાઇક કાલોલ પોલીસ મથકના વિસ્તારમાંથી ચોરી કરી હોવાની કબૂલાત કરી હતી. આમ એસઅઓજી પોલીસે કાલોલ પોલીસ મથકની બાઇક ચોરીનો ભેદ ઉકેલ્યો હતો.