કોલ્ડ વેવ:બર્ફીલા પવનથી પંચમહાલમાં ઠંડીનું પ્રમાણ વધ્યું

ઉત્તર ભારત સહિત જમ્મુ કાશ્મીરમાં સતત પડી રહેલ ભારે હિમવર્ષાને કારણે ગુજરાત તરફ બફ્રીલા પવન ફુકાતા તાપમાનમાં પણ ધટાડો જોવા મળ્યો છે. જેની અસર પંચમહાલમાં પણ વર્તાતા મંગળવારે ગોધરાનું વધુમાં વધુ 25 ડીગ્રી તથાઓછામાં ઓછુ 11 ડીગ્રી તાપમાન નોંધાયુ હતું. દિવસ દરમ્યાન પણ લોકોને ઠંડીનો અનુભવ થઇ રહ્યો હતો. જેને કારણે ગરમ કપડામાં નજરે પડતા હતા. સ્વાસ્થ્ય પ્રેમીઓ વહેલી સવારે જીમમાં કસરત, બગીચામાં તથા જાહેર માર્ગ પર મોર્નીંગ વોક કરવા નિકળ્યા હતા. જ્યારે કેટલાક લોકો વહેલી સવારે તાપણાનો સહારોલઇ ગરમાવો લઇ રહ્યા છે. ધીમે ધીમે ઠંડીમાં વધારો થતા ખેડુત વર્ગ પણ સારા શિયાળુપાકની આશા સાથે આનંદીત થઇ રહ્યા છે.