ક્રાઈમ:પઢિયારમાં જંગલના લાકડાં ન આપનાર કર્મી પર હુમલો

છકડીયા આંટના ગોકળભાઇ બારીયા પોતે વનવિભાગમાં રોજમદાર તરીકે ફરજ બજાવે છે, ત્યારે ગત ૨૮ તારીખે ગોકળભાઇ બારીયા પઢિયાર ખાતેની સરકારી જમીનમાં રોપણી કરેલી નીલગીરીના લાકડાં કાપ્યા હોઈ લાકડાની સાચવણી કરતા હતા, ત્યારે યોગેશભાઈ સોલંકી આવ્યા હતા અને કહ્યું હતું કે આ કાપેલી નીલગીરીના લાકડાના ઢગલામાંથી મને લાકડાં લઈ જવા દો, ત્યારે ગોકળભાઇ એ જણાવ્યું હતું કે આ લાકડાં વનવિભાગની માલિકીના છે, જેથી આ લાકડાં તમને નહિ મળે, તેમ કહેતા જ યોગેશ સોલંકી અપશબ્દો બોલવા માંડ્યો હતો, અને ગોકળભાઇ ને નીચે પાડી દઈ હાથ પગ વડે ગડદા પાટું નો માર માર્યો હતો અને જાનથી મારી નાંખવાની ધમકી આપી હતી, બનાવ અંગે કાંકણપુર પોલીસમથકે યોગેશ સોલંકી નામના ઈસમ સામે ફરિયાદ નોંધાવા પામી હતી.