કોરોના બેકાબૂ:પંચમહાલમાં કોરોના સંક્રમણના 28 કેસો નોંધાતાં કુલ આંક 3413

પંચમહાલ જિલ્લામાં રવિવારે કોવિડ-19 સંક્રમણના 28 નવા કેસ મળી આવતા સંક્રમણના કુલ કેસની સંખ્યા 3413 થવા પામી છે. 19 દર્દીઓને સારવાર બાદ હોસ્પિટલમાંથી રજા આપવામાં આવતા હાલની સ્થિતિએ જિલ્લામાં સક્રિય દર્દીઓ 212 રહ્યા છે, જેમની સારવાર હાથ ધરવામાં આવી રહી છે.

નવા મળી આવેલા કેસોમાંથી શહેરી વિસ્તારોમાંથી 25 કેસો મળી આવ્યા છે. જે પૈકી ગોધરામાંથી 11, હાલોલમાંથી 4 કેસ અને કાલોલમાંથી 5 કેસ તથા શહેરામાંથી 5 કેસ મળી આવતા શહેરી વિસ્તારોમાં સંક્રમણના કુલ 2498 કેસ નોંધાયા છે. ગ્રામ્ય વિસ્તારોમાંથી 3 કેસ મળી આવ્યા છે. જેમા કાલોલ ગ્રામ્યમાંથી 1 કેસ અને શહેરા ગ્રામ્યમાંથી 2 કેસ મળી આવ્યા છે. આ સાથે જ જિલ્લાના ગ્રામ્ય વિસ્તારોમાંથી મળી આવેલ કેસોની સંખ્યા 915 થવા પામી છે. સારવાર બાદ સાજા થતા સોમવારે કુલ 19 દર્દીઓને હોસ્પિટલમાંથી રજા આપવામાં આવી હતી. આ સાથે હોસ્પિટલમાંથી રજા મેળવનાર દર્દીઓની કુલ સંખ્યા 3069 થવા પામી છે. જિલ્લામાં હાસ કોરોનાના સક્રિય કેસોની સંખ્યા 221 થઈ છે, જેમની સારવાર ચાલી રહી છે.