વિવાદ:ગોધરાના બસ સ્ટેન્ડના ગેટ પાસે પૈસાની લેતીદેતીમાં 4એ 1ને માર્યો

ગોધરામાં બસસ્ટેન્ડના ગેટ પાસે પૈસાની લેવડદેવડમાં 4 જણે એક માર મારતાં વાત વણસી હતી.ગોધરા શહેરના લુણાવાડા રોડ પર આવેલી ઝુલેલાલ સોસાયટીમાં રહેતાં સતીશ વાઘવાણીના સાળા રોશને એક વર્ષ અગાઉ ભાગેશ નામના વ્યક્તિ પાસેથી 10 હજાર રૂપિયા ઉછીના લીધા હતા, જે પૈકીના 8500 ચૂકવી દીધા હતા, જ્યારે 1500 રૂપિયા બાકી હોવાથી રોશનકુમારને ભાગેશે બસ સ્ટેન્ડ પર બોલાવી જણાવ્યું હતું કે તે પૈસા ઉછીના લીધા છે તો આપતો કેમ નથી, તથા અપશબ્દો બોલવા લાગ્યા હતા, જેને લઇને રોશને અપશબ્દો બોલવાની ના પાડતાં ભાગેશ ઉશ્કેરાઈને ગડદાપાટુંનો માર માર્યો હતો.

તેમજ ભાગેશ સાથે રહેલાં મનોજ ગોરવાણીએ લાકડાનું પાટિયું મારતાં રોશનને ઇજાઓ પહોંચાડી ચાર વ્યક્તિઓ દ્વારા રોશનને મારી નાખવાની ધમકી આપવામાં આવી હતી. ગોધરાના એ ડીવીઝન પોલીસ મથકે ભાગેશભાઇ, મનોજ ગોરવાણી, દીપક પ્રેમચંદાણી અને દીપક ગોરવાણી વિરુદ્ધ ફરિયાદ નોંધાઇ હતી. જયારે બસ સ્ટેન્ડના ગેટ પાસે મારામારી થતાં લોકોના ટોળાં થતાં ટ્રાફિક જામ થયો હતો. બનાવ બનતાં પોલીસની બે ગાડીઓ બસ સ્ટેન્ડ પાસે પહોંચી ગઇ હતી.