કોરોનાનો કહેર:પંચમહાલમાં કોરોનાના 13 કેસ, કુલ આંક 3747, 17 દર્દીઓને હોસ્પિટલમાંથી રજા અપાઈ, જિલ્લામાં કોરોનાના સક્રિય કેસ 161

પંચમહાલ જિલ્લામાં સોમવારે કોવિડ-19 સંક્રમણના નવા 13 કેસ મળી આવતા સંક્રમણના કુલ કેસની સંખ્યા 3747 થવા પામી છે. 17 દર્દીઓને સારવાર બાદ હોસ્પિટલમાંથી રજા આપવામાં આવતા હાલની સ્થિતિએ જિલ્લામાં સક્રિય દર્દીઓ 161 રહ્યા છે, જેમની સારવાર હાથ ધરવામાં આવી રહી છે. સોમવારે નવા મળી આવેલા કેસોમાંથી શહેરી વિસ્તારોમાંથી 11 કેસો મળી આવ્યા છે.

જેમાં ગોધરામાંથી 10 અને શહેરામાંથી કોરોનાનો 1 કેસ નોધાતાં શહેરી વિસ્તારોમાં સંક્રમણના કુલ 2743 કેસ નોંધાયા છે. તથા ગ્રામ્ય વિસ્તારોમાં મળેલા 2 કેસમાં કાલોલ ગ્રામ્યમાંથી 1 અને શહેરા ગ્રામ્યમાંથી 1 મળી ગ્રામ્ય વિસ્તારોમાંથી કુલ 1004 કેસો મળી આવ્યા છે. સારવાર બાદ સાજા થતા શુક્રવારે કુલ 17 દર્દીઓને હોસ્પિટલમાંથી રજા આપવામાં આવતા રજા મેળવનાર દર્દીઓની કુલ સંખ્યા 3454 થવા પામી છે. જિલ્લામાં કોરોનાના સક્રિય કેસોની સંખ્યા 161 થઈ છે જેમની હાલ સારવાર ચાલી રહી છે. કોવિડથી 68 દર્દીઓના મોત અને નોન કોવિડથી 64 દર્દીઓના મોત થયા હતા.