ધરપકડ:ગોધરા એલસીબી પોલીસે પાવગઢ પાસેથી ચોરેલી 6 બાઇક સાથે એક શખ્સને ઝડપ્યો

પંચમહાલ જિલ્લા એલ.સી.બી શાખાએ હાલોલના પાવાગઢ રોડ પર કાળીભોંય ત્રણ રસ્તા પર નાકાબંધી કરી ચોરીની 6 મોટર સાઇકલ સાથે એક આરોપીની અટકાયત કરી હાલોલ પોલીસ મથકના 4 અને રાજગઢ પોલીસ મથકના 2 બાઇક ચોરીના ગુના ડિટેકટ કરવામાં સફળતા મળી છે.એલસીબીના પીઆઇ ડી.એન.ચુડાસમાને ખાનગી રાહે બાતમી મળતા ટીમે હાલોલ નગરના પાવાગઢ રોડ પર કાળીભોંય ત્રણ રસ્તા પાસે વૉચ ગોઠવી હતી જેમાં બાતમી વાળો શંકાસ્પદ ઈસમ નંબર વગરની બાઇક પ્રેશન પ્રો લઈને આવતા તેને અટકાવી પૂછપરચમાં તેણે પોતાનું નામ રાજકુમાર શંકરભાઇ રાઠવા રહે.નવાડ ફળિયું નવાગામ બાંધેલીનું જણાવ્યું હતું.

એલ.સી.બી તેને સાથે રાખી તેના ઘરે જઈ તપાસ કરતા ઘરની પાછળ આવેલ ઢાળિયામાંથી વધુ 5 બાઇકો નંબર વગરની મળી આવતા પોલીસે કુલ 6 બાઇકો કિંમત 1,55,000ના મુદ્દામાલ સાથે રાજકુમારની અટકાયત કરી હાલોલ ટાઉન પોલીસ મથકના 4 અને રાજગઢ પોલીસ મથકના 2 ગુના મળી કુલ 6 બાઇક ચોરીના ગુના ડિટેકટ કરી 6 મોટસાઈકલો સાથે આરોપીને ઝડપી પાડી હાલોલ શહેર પોલીસને સોંપતા પોલિસે આરોપી રાજકુમારનો કોરોના ટેસ્ટ કરાવાની તજવીજ હાથ ધરી છે. રિપોર્ટ આવ્યા બાદ કોર્ટમાં રજૂ કરી રિમાન્ડની માગણી કરાશેનું પીઆઈ.એન.કે ડાભીએ જણાવ્યું છે.