રસીકરણ:હાલોલ રેફરલમાં ફ્રન્ટલાઇન વર્કરોને કોરોનાની રસી મૂકાઇ

કોરોના રસીકરણના બીજા તબક્કા નો પ્રારંભ હાલોલ રેફરલ હોસ્પિટલ ખાતે રવિવારથી કરવામાં આવ્યો હતો જેમાં જેમાં હાલોલ પોલીસ વિભાગ હાલોલ રેવન્યુ વિભાગ તેમજ હાલોલ નગરપાલિકાના અધિકારીઓ અને કર્મચારીઓ ને કોરોના રસીકરણમાં આવરી લઇ તેઓને કોરોના વેક્સિનેશન આપવામાં આવ્યું હતું જેમાં સોમવારે પણ વેક્સિનેશન ની કામગીરી રેફરલ હોસ્પિટલ ખાતે હાલોલ તાલુકા આરોગ્ય વિભાગના અધિકારી ડોક્ટર પરેશ જોષી ના નિરીક્ષણ હેઠળ કરાઈ હતી જેમાં હાલોલ પોલીસ વિભાગ રેવન્યુ વિભાગ અને નગરપાલિકાના અધિકારીઓ અને કર્મચારીઓને રસીકરણ કરવામાં આવ્યું હતું.

જેમાં સોમવારે હાલોલ ના ડી.વાય.એસ.પી. એચ.એ.રાઠોડ ડેપ્યુટી મામલતદાર દક્ષાબેન નગર પાલિકાના ચીફ ઓફિસર વિરજ શાહ સહિત હાલોલ ટાઉન પોલીસ, રૂરલ પોલીસ, પાવાગઢ પોલીસ, તેમજ તાલુકામાં આવેલ હાઉસ પો.સ્ટે.ના પોલીસ કર્મીઓને સોમવારે રસીકરણ કરવામાં આવ્યું હતું.

જેમાં તમામ વિભાગોના અધિકારીઓ અને કર્મચારીઓએ રસીકરણ કરાયા બાદ જાહેર જનતાને અપીલ કરી હતી કે આ રસીની અમને કોઈ આડ અસર થવા પામી નથી જેથી આગામી દિવસોમાં જાહેર જનતા માટે શરૂ થનાર કોરોના રસીકરણના અભિયાનના કોઈપણ જાતનો ભય રાખ્યા વિના કે અફવાઓમાં આવ્યા વિના સ્વેચ્છાએ જાહેર જનતાએ આ અભિયાનમાં ભાગ લઇ રસીકરણ અભિયાન ને સફળ બનાવી કોરોના આ અભિયાનને સંપૂર્ણ સાથ અને સહકાર આપવો જોઈએ.