ધરપકડ:હાલોલમાં બસમાંથી મહિલા સહિત 3ને દારૂ સાથે ઝડપ્યાં

પંચમહાલ જિલ્લામાં દારૂ જુગારની બદીને ડામી દેવા ઉચ્ચ પોલીસ અધિકારીઓની સૂચના વચ્ચે હાલોલ રૂરલ પોલીસે પોલીસ લાઈન પાસે પાવગઢ તરફથી આવતી એસટી બસમાંથી એક મહિલા સહિત ત્રણને દારૂના જથ્થા સાથે ઝડપી પાડી ગુનો નોંધી આરોપીઓના કોરોના ટેસ્ટ કરાવાની તજવીજ હાથ ધરી છે. હાલોલ રૂરલ પોલીસે શહેર પોલીસની હદમાંથી પાવાગઢ તરફથી આવતી બસને અટકાવી મહિલા અને બે યુવાનને ઝડપ્યા હતા. પોલીસે તપાસ કરતાં તેમના શરીર પર બાંધેલી દારૂની બોટલો સહિત ત્રણ બેગોમાંથી દારૂ મળી આવ્યો હતો. ખેપિયા બસમાં ક્યાંથી બેઠા હતા, દારૂ કોને મોકલવાનો હતો, આરોપીઓ ક્યાંના છે તે અંગે પોલીસે મૌન સેવતા અનેક તર્ક સર્જાયા છે.