હાલાકી:ગોદલીથી ખોડી ટીમરવી સુધીનાે માર્ગ બિસમાર

ઘોઘંબાના ગોદલી થી ખોડી ટીમરવી સુધીના રસ્તામાં મોટાં- મોટાં ખાડા પડતાં આ રસ્તો ખૂબ જ બિસ્માર હાલતમાં ફેરવાઈ ગયો છે. અા રસ્તાની કામગીરી ૧ વર્ષ પહેલાં જ થઈ પૂર્ણ થઈ હતી પરંતુ બોગસ કામગીરીના લીધે અેકજ ચોમાસાના વરસાદમાં આ રસ્તો ઉડા ઉડા ખાડા માં ફેરવાઈ ગયો જોવા પામ્યો છે. સ્થાનિક લોકોના જણાવ્યા મુજબ અા રસ્તા પર બોડેલી તરફથી આવતી જતી રેતીઓ ભરેલી ઓવરલોડ ટ્રકો ટોલ ખર્ચ તથા ખનીજવિભાગના કર્મચારીઓ થી બચવા આ રસ્તાનો ઉપયોગ કરતા હોવાથી રસ્તો બિસ્માર હાલતમાં ફેરવાઇ ગયો છે. અહીંયા અકસ્માત પણ સર્જાવા નો પણ ડર સ્થાનિકોને સતાવી રહ્યો છે.વધુમાં આ રસ્તા પર આવતાં ખટાશ, ભીખાપુરા, ગોદલી, કેલકુંવા, સાતકુંડા જેવાં અનેક ગામો તેમજ એસ.ટી બસ તથા પ્રાઇવેટ વાહનોની અવર જવર પણ વધુ હોય રસ્તાનું સમારકામ કરે તેવી માંગ કરી છે.