લોકોમાં હર્ષની લાગણી:ઉના તાલુકાના ગ્રામીણ વિસ્તારમાં 20 કરોડના ખર્ચે બનશે નવા રસ્તા; ધારાસભ્ય કાળુભાઇ રાઠોડે વિકાસનાં સુત્રને બનાવ્યું મંત્ર

ઉના16 દિવસ પહેલા
  • કૉપી લિંક

ઉના વિધાનસભા ચૂંટણીમાં વિજેતા બન્યા બાદ ધારાસભ્ય કાળુભાઇ રાઠોડે ગુજરાત સરકારનાં વિકાસની લહેરને ગીર સોમનાથ જિલ્લાના છેવાડાના વિસ્તારોમાં આવેલ ઉના ગીરગઢડા તાલુકાના ગ્રામિણ વિસ્તાર સુધી પહોંચાડવા નેમ લીધી છે. તાત્કાલિક અસરથી તાલુકાનાં નાના-મોટા શહેરને જોડતાં રસ્તાઓ 20 કરોડનાં ખર્ચે નવા બનાવવા રાજ્ય સરકારમાં રજૂઆત કરવામાં આવતા લીલી ઝંડી મળી ગઈ છે અને વહેલી તકે નવીકરણ કરવાની કામગીરી હાથ ધરવામાં આવી છે.

ઉના ગીરગઢડા તાલુકાના આયોજન બહારના નોન પ્લાન 12 રસ્તા નવા બનાવવા મુખ્યમંત્રી ભુપેન્દ્ર પટેલ સમક્ષ માંગણી મક્તા 24 કરોડના ખર્ચે યાજપુર-વાવરડા, કોદીયા-ઈટવાયા, ખજુદ- ખડા, માણેકપુર-ખત્રીવાડા, લામધાર-ગુપ્ત પ્રયાગ, જુના ઉગલા-ભડીયાદર, નાના સમઢીયાળા-રબારીકા, ભાચા-વાવરડા, નવી વાજડી- જુની વાજડી, શા ડેશર- ઓલવાણ, કાણેકબરડા- સુલતાનપુર, ઉમેજ-સામતેર, બેડીયા-રાવલ ડેમ અને આજુબાજુના વિસ્તારને જોડતા રસ્તા નવીકરણ કરીને લોકોને પડતી મુશ્કેલી, સમસ્યાનો ઉકેલ લાવવામાં આવ્યો છે.

આ તમામ નવા રસ્તા માટે 24 કરોડની રકમ માર્ગ મકાન રોડ પંચાયત વિભાગને ફાળવતાં વહીવટીતંત્ર દ્વારા પ્રકિયા હાથ ધરી ટુંકા સમયમાં ટેન્ડર પ્રક્રિયા રેકર્ડ ઉપર પૂર્ણ થતાંની સાથે રસ્તા બનાવવાની કામગીરી પ્રારંભ કરશે. આ નવા રસ્તાના કારણે ઉપરોક્ત વિસ્તારનાં ખેડૂતો ગ્રામજનો વિદ્યાર્થીઓ અને રોજીંદા અવર જવર કરતા વાહન ચાલકોની મુશ્કેલી હલ થશે. ધારાસભ્ય કાળુભાઇ રાઠોડ દ્વારા સક્રિય રીતે 12 ગામોને જોડતાં રસ્તાને અંગતય કામગીરી સમયસર કરવાં પ્રયત્ન હાથ ધરવામાં આવતાં આ વિસ્તારનાં લોકોમાં હર્ષની લાગણી ફેલાઈ છે.

અન્ય સમાચારો પણ છે...