અસુવિધા:વેરાવળ વોર્ડ નં. 5માં 200 જેટલા લોકોનો વસવાટ પણ ગટર અને રસ્તાનો અભાવ

વેરાવળ18 દિવસ પહેલા
  • કૉપી લિંક
રસ્તા ઉપર બાવળ જોવા મળી રહ્યાં છે આ ઉપરાંત કાચો રસ્તો હોઇ ચોમાસામાં વરસાદ થતાં જ ચાલવું મુશ્કેલી બને છે. છતાં તંત્ર ઉંઘી રહ્યું છે. - Divya Bhaskar
રસ્તા ઉપર બાવળ જોવા મળી રહ્યાં છે આ ઉપરાંત કાચો રસ્તો હોઇ ચોમાસામાં વરસાદ થતાં જ ચાલવું મુશ્કેલી બને છે. છતાં તંત્ર ઉંઘી રહ્યું છે.
  • લોકોએ પાલિકાને કહ્યું : વેરો તિજોરી ભરવા નહીં આપીએ અમારી સુવિધા માટે છે
  • ઠેર-ઠેર બાવળ ઉગી નિકળ્યા, સ્થાનિકો રજૂઆત કરે છે પણ તંત્ર ઘોળીને પી જાય છે

વેરાવળની ગુલિસ્તાન સોસાયટીમાં પાલિકા ગટર, રોડ- રસ્તા જેવી પ્રાથમિક સુવિધા આપવાથી વંચિત રહી છે. જેથી સ્થાનિકોને ભારે હાલકી ભોગવવી પડે છે. આ સોસાયટીમાં 50 જેટલા મકાન અને 200 થી વધુ લોકો વસવાટ કરી રહ્યાં છે. ત્યારે પ્રાથમિક સુવિધાઓથી વંચિત રહીશોએ અનેક વખત નગરપાલીકા, ધારાસભ્યો અને જીયુડીસીમાં રજૂઆતો કરી છે.

પરતું આજદિન સુધી કોઈ કામગીરી કરવામાં આવી નથી. તેમજ આસપાસની જમીનમાં બાવળ ઉગી નીકળ્યા છે. જેને લઈ પણ અનેક વખત રજૂઆતો કરવા છતાં તેને હટાવાયા નથી. અને પીવાના પાણીની લાઈનો પણ અનેક જગ્યાએ લીકેજ હોવાના કારણે હજારો લીટર પાણી વેડફાઇ છે. ત્યારે તંત્ર દ્વારા વહેલી તકે રહિશોનાં પ્રાથમિક પ્રશ્નોનોનું નિવારણ લવાઈ એવી માંગ ઉઠવા પામી છે.

17 વર્ષમાં કોઈ કાર્યવાહી નહીં

આ અંગે સ્થાનિક ખતાઈ અલીમમદ અબ્દુલ ગનીએ જણાવ્યું હતું કે, 2005થી રજૂઆત કરીએ છીએ. પરંતુ 17 વર્ષમાં કોઈ કાર્યવાહી કરાઈ નથી. લાઈટ પણ 50 ટકાથી ઓછી છે. પાણીની લાઈન પણ અનેક વખત લીકેજ થઈ જાય છે.

આ વિસ્તાર સાથે ઓરમાયું વર્તન : નગરસેવક
આ અંગે નગરસેવક અફઝલ પંજાએ કહ્યું હતું કે, આ વિસ્તારમાં ઓરમાયુ વર્તન કરવામાં આવે છે અને કોમ્યુનિટી હોલ, ગાર્ડન, રોડ-રસ્તા સહિતની સુવિધાઓનો અભાવ છે.

અન્ય સમાચારો પણ છે...