જાહેરનામું:ગોરખમઢી થી રામપરા સુધીનો માર્ગ સિમેન્ટથી મઢવામાં આવશે

વેરાવળએક મહિનો પહેલા
  • કૉપી લિંક
  • હાલ રસ્તો પણ ડાયવર્ટ કરવામાં આવ્યો
  • જાહેરનામું બહાર પડાયું, ટુક સમયમાંજ કામગીરી શરૂ થશે,લોકોને પડતી મુશ્કેલીઓનો અંત આવશે

ગીર સોમનાથ જિલ્લાના સુત્રાપાડા તાલુકાના ગોરખમઢી ગામથી વેરાવળ તાલુકાના રામપરા ગામ સુધીનો જાહેર રસ્તો મંજુર થયો હોય જે રોડ બનાવવાની કામગીરી થનાર છે. આ રોડની પહોળાઈ આશરે 6 મીટર છે. સંપુર્ણ રોડ આર.સી.સી. બનાવવાનો હોય, જેથી આખો રોડ બંધ થનાર છે, આ રસ્તા સાથે જોડાયેલ ગામોના રોજીંદા વાહન વ્યવહાર માટે બે વૈકલ્પીક રૂટ નકકી કરવામાં આવેલ છે.

જિલ્લા મેજીસ્ટ્રેટ આર.જી.ગોહિલે જાહેરનામુ બહાર પાડી ગોરખમઢી થી રામપરા સુધીનો રસ્તો સંપુર્ણપણે બંધ કરી આ રસ્તા પરનો વાહન વ્યવહાર માટે નીચે મુજબના બે વૈકલ્પીક રૂટ પર ડાયવર્ડ કરવામા આવ્યા છે. જેમાં કોડીનાર તરફ જવા માટે રૂટ નં.1 રામપરા થી આણંદપરા-ટોબરા,ખાંભા-ઘંટીયા સુધી તથા વેરાવળ તરફ જવા માટે રૂટ નં.2 રામપરા થી ભેટાળી–ઈન્દુોય–નાવદ્રા–સોનારીયા સુધી નકકી કરવામાં આવેલ છે.આ જાહેરનામુ 18 એપ્રિલ સુધી અમલી રહેનાર હોવાનું જાણવા મળી રહ્યું છે.

અન્ય સમાચારો પણ છે...