GMC ચૂંટણી:ઈંગ્લીશ મિડિયમની 10 સ્કૂલ ખોલીશું અને પ્રોપર્ટી ટેક્સ 50% ઘટાડીશું : AAP

ગાંધીનગર મહાનગરપાલિકાની ચૂંટણી લઈને આમ આદમી પાર્ટીએ પોતાનો મેનિફેસ્ટો જાહેર કર્યા છે. જેમાં આપ દ્વારા પોતાના મેનિફેસ્ટોને વચનો નહીં પણ ગેરંટી હોવાનો દાવો કરીને ગેરંટીકાર્ડ નામ આપ્યું છે. જેમાં આપ દ્વારા શહેરમાં અંગ્રેજી મિડિયમની 10 આધૂનિક શાળા, વડીલોને ઘરે બેેઠા ફ્રી ચેકઅપ, પ્રોપર્ટી ટેક્ષમાં ઘટાડો, મહિલા-વિદ્યાર્થી-વડીલોને ફ્રી બસ સેવા જેવા વાયદા કર્યા છે. આ ઉપરાંત મનપામાં અટકી પડેલી ભરતીઓ પૂર્ણ કરીને કોર્પોરેશનમાં પેન્ડિંગ ભ્રષ્ટાચારના કેસોમાં તાત્કાલિક કાર્યવાહી કરી સજા થાય તેવી કામગીરી કરવા માટે વાયદો કર્યો છે. આ સાથે કોર્પોરેશનની તમામ ઓફિસોમાં સીસીટીવી કેમેરા લગાવી તેને બહારથી જોઈ શકાય તેવી વ્યવસ્થા કરવાની સાથે ફાયરબ્રિગેડના વિસ્તારની બાહેંધરી આપે આપી છે. મનપાની તમામ ઓફિસો-સિવિક સેન્ટરોમાં કોર્પોરેટર્સ હાજર રહે તેવી વ્યવસ્થા કરાશે.

આમ આદમી પાર્ટીએ કરેલી જાહેરાત