શિયાળો જામ્યો:શહેરમાં સોમવારે લઘુતમ તાપમાનનો પારો 14 ડિગ્રી

પાટનગર ગાંધીનગરમાં સોમવારે લઘુત્તમ તાપમાનનો પારો 14 ડીગ્રી જ્યારે મહત્તમ તાપમાન 34 ડીગ્રી નોંધાયું હતું. શહેરમાં છેલ્લા ચારેક દિવસથી લઘુત્તમ તાપમાનનો પારો 13-14 ડીગ્રીએ અટક્યો છે. શુક્ર-શનિ વારે લઘુત્તમ તાપમાન 13 જ્યારે રવિ-સોમ 14 ડીગ્રી નોંધાયું હતું. તો શુક્રવારે મહત્તમ તાપમાન 35 ડીગ્રી જ્યારે છેલ્લા ત્રણ દિવસ 34 ડીગ્રી તાપમાન રહ્યું હતું. દિવસ અને રાતના તાપમાનમાં અઢીગણો તફાવત રહેતાં હાલના સમયે પાટનગરમાં હાલ શિયાળો જામ્યો હોય તેવો અહેસાસ નથી થઈ રહ્યો. લઘુત્તમ તાપમાનનો પારો ન ગગડતા હાલ દિવસ દરમિયાન સ્વેટર કે જેકેટનો સહારો લેવો પડે તેવી ઠંડી નથી પડી રહી છે. ચારેક દિવસથી લઘુત્તમ તાપમાનનો પારો 13-14 ડીગ્રીએ અટક્યો છે.જો કે, સોમવારે 14 ડિગ્રી છે.