સુવિધા:કોરોનાને કારણે ટૂર ઉપર ડોક્ટરો નહીં જતાં દવાખાનાં ખુલ્લાં રહેશે

વર્ષોથી દિવાળીના તહેવારોમાં વેપારી, તબિબો, કર્મચારીઓ સહિત પરિવાર સાથે ફરવા જતા હતા. પરંતુ કોરોનાની મહામારીએ ઘરમાં રહેવું સલામત બની રહ્યું છે. જોકે કોરોનાની મહામારીને પગલે આરોગ્ય વિભાગ દ્વારા કોરોનાના સંક્રમણનો ભોગ બનાય નહી તે માટે ઘરમાં રહેવા તેમજ માસ્ક પહેરી રાખવાની સુચના આપવામાં આવે છે. ત્યારે ચાલુ વર્ષે દિવાળીના પર્વોમાં નગરના ખાનગી તબિબો ફરવા જવાના નથી. આથી સામાન્ય રીતે દિવાળીમાં ખાનગી હોસ્પિટલો અને દવાખાના બંધ રહેતા હતા.