કોરોના અપડેટ:મનપા વિસ્તારમાં સૌથી વધુ સે-2માં 264 બાસણ-ગોકુલપુરામાં ઓછા 3-3 કેસ, ગત 25 નવેમ્બરે સૌથી વધુ 36 કેસ નોંધાયા હતા

ગાંધીનગર સહિત રાજ્યભરમાં હવે કોરોના કેસોની સંખ્યા ઘટી રહી છે. એક સમય હતો ગાંધીનગર મનપા વિસ્તારમાં એક સમયે એક જ દિવસમાં 20થી વધુ કેસ નોંધાતા હતા, જેમાં 25 નવેમ્બરના રોજ સૌથી વધુ 36 કેસ નોંધાયા હતા. જ્યારે છેલ્લા કેટલાક સમયથી કોરોનાના કેસોમાં ઘટાડો થતા હાલ એક દિવસમાં 2થી 5 જેટલા કેસ નોંધાય છે.

ગાંધીનગર મનપામાં અત્યાર સુધી 3396 જેટલા કેસ નોંધાયા છે. જેમાંથી સેક્ટરોની વાત કરીએ તો સે-2માં સૌથી વધુ 264 અને સૌથી ઓછા 14 કેસ સે-15માં નોંધાયા છે. સે-11 ખાતે માત્ર એક જ કેસ નોંધાયો છે પરંતુ ત્યાં રહેણાંક વિસ્તાર ન હોવાથી અહીં કેસોની સંખ્યા નથી. મનપાના ગ્રામ્ય વિસ્તારોની વાત કરીએ તો બાસણ-ગોકુલપુરામાં સૌથી ઓછા 3-3 કેસ અને સૌથી વધુ 21 કેસ બોરીજમાં નોંધાયા છે.

સેક્ટર અને ગ્રામ્ય વિસ્તારની અલગ એવા જીબીઈ કોલોની વિસ્તારમાં અત્યાર સુધી કુલ 117 કેસ નોંધાયેલા છે. ત્યારે સવાલ એ થઈ રહ્યો છે કે અગાઉ મનપા વિસ્તારમાં 1 દિવસમાં કોરોનાના 36 કેસ સુધી પહોંચેલો આંકડો એકાએક 2-5 પર કેમ અટક્યો છે હાલ આ બાબતે પણ લોકોમાં વિવિધ અટકળો ચાલી રહી છે જોકે કોરોનાના કેસ ઘટતા હાલ આમજનતાએ તેમજ તંત્રએ રાહતની લાગણી અનુભવી છે.

સેક્ટર વાઈઝ નોંધાયેલા દર્દીઓ