• Gujarati News
  • Local
  • Gujarat
  • Gandhinagar
  • The Government Spent Rs 2,000 Crore On Corona's Two Waves; Rs 350 Crore Worth Of Remedivivir, Rs 291 Crore Worth Of Test Kits, Rs 125 Crore Worth Of Ventilators, Rs 155 Crore Worth Of Oxygen Purchased

ભાસ્કર એનાલિસિસ:કોરોનાની બે લહેર પાછળ સરકારે 2 હજાર કરોડ ખર્ચ્યા; 350 કરોડનાં રેમડેસિવિર, 291 કરોડની ટેસ્ટ કિટ, 125 કરોડનાં વેન્ટિલેટર, 155 કરોડના ઓક્સિજનની ખરીદી

ગાંધીનગર10 દિવસ પહેલાલેખક: ચિંતન આચાર્ય 
  • કૉપી લિંક
  • રાજ્યમાં ખાનગી હોસ્પિટલો અને હોમ આઇસોલેશન પાછળ સરકારે સૌથી વધુ 600 કરોડ રૂપિયાનો ખર્ચ કર્યો
  • ...વાંચો કોરોનાની બે લહેરોમાં મેડિકલ વસ્તુઓ પાછળ સરકાર અને પ્રજાએ ક્યાં અને કેટલા રૂપિયા ખર્ચ્યા
  • કોરોનાની બે લહેર પાછળ લોકોએ 1 હજાર કરોડ ખર્ચ્યા
  • વળતર, એમ્બ્યુલન્સ, રાહત પેકેજની રકમ ઉમેરવામાં આવે તો 20 હજાર કરોડથી વધુનો ખર્ચ થયો

કોરોનાની ત્રણેય લહેરનો અંત આવી ચૂક્યો છે. એક તરફ જ્યાં આપણે પોણા બે લાખ લોકોને ગુમાવ્યા છે તો અંદાજે 10 લાખ લોકોના જીવ બચાવ્યા પણ છે. બન્ને લહેરમાં સ્વજનોના જીવ બચાવવા માટે સરકાર અને લોકોએ કેટલો ખર્ચ કર્યો એની વિસ્તૃત તપાસ ભાસ્કરે કરી હતી.

કોરોનાની પહેલી અને બીજી લહેર દરમિયાન સરકારે 2 હજાર કરોડ રૂપિયાનો ખર્ચ કર્યો હતો. જ્યારે સામાન્ય નાગરિકોએ પણ પોતાના સ્તરે 1 હજાર કરોડ રૂપિયાથી વધુનો ખર્ચ કર્યો હતો. સૌથી વધુ 600 કરોડ રૂપિયા સરકારે ખાનગી હોસ્પિટલો અને હોમ આઈસોલેશનમાં સારવાર કરાવનારા દર્દીઓ પાછળ ખર્ચ કર્યા. એઈમ્સ અને કોવિડ ટાસ્ક ફોર્સે ક્યારેય રેમડેસિવિર ઈન્જેક્શનને કોરોના માટે અસરદાર બતાવ્યા નથી તેમ છતાં 350 કરોડના રેમડેસિવિર ઈન્જેક્શનની ખરીદી કરાઈ.

આ ઈન્જેક્શનને લઈને જ ગુજરાતમાં ભારે હોબાળો થયો હતો અને કાયદેસર-ગેરકાયદેસર રીતે તેનાં કાળાંબજાર થયાં હતાં અને મામલો હાઈકોર્ટ સુધી પહોંચી ગયો હતો. ડૉક્ટરો, નર્સો, સફાઈ કર્મચારી અને અન્ય મેડિકલ કોરોના વોરિયર્સના પગાર, ભથ્થાં પાછળ પણ લગભગ 200 કરોડ રૂપિયા ખર્ચ કરાયા હતા.

આ છે સરકારી ખરીદી...
ઈન્જેક્શનથી લઇને વેન્ટિલેટર, ટેસ્ટ કિટની ખરીદીનો ડેટા

સામગ્રીખર્ચ કરાયો
રેમડેસિવિર ઈન્જેક્શન350 કરોડ
રેપિડ ટેસ્ટ કિટ291.45 કરોડ
ઓક્સિજન154.59 કરોડ
વેન્ટિલેટર125.13 કરોડ
ટોસિલિઝુમેબ ઈન્જેક્શન35.77 કરોડ
એમ્ફીટેરિન ઈન્જેક્શન96.28 કરોડ
આઈસોલેશન સેન્ટર100 કરોડ
આરટી-પીસીઆર ટેસ્ટ કિટ100 કરોડ
વૉરિયર્સનાં પગાર-ભથ્થાં26.41 કરોડ
ખાનગી હોસ્પિટલો અને હોમ આઈસોલેટ દર્દીઓની સારવાર પર600 કરોડ

...અને આ છે પ્રજાની ખરીદી

એન્ટિજન ટેસ્ટ, સેનિટાઈઝરથી લઈને માસ્ક, દવાની ખરીદી

સામાનપહેલી લહેરબીજી લહેરકુલ
325(એપ્રિલ-ઓક્ટોબર)(ફેબ્રુ.માં)દિવસમાં
માસ્ક157.50 કરોડ34.45 કરોડ192
સેનિટાઈઝર420 કરોડ175.50 કરોડ596
એન્ટિવાઈરલ ટેબ્લેટ8.4 કરોડ10.25 કરોડ19
રેમડેસિવિર11.30 કરોડ28.75 કરોડ142.15
કોવિડ ટેસ્ટ44.52 કરોડ14.62 કરોડ59
કોવિડ કિટ -10-11 કરોડ111018.39 કરોડ

​​​​​​​2305 વેન્ટિલેટર ખરીદાયાં, 1 વેન્ટિલેટર 11 લાખનું તો એક 3.65 લાખનું

એપ્રિલ 2020થી ઓક્ટો. 2021 દરમિયાન સરકારને 7412 વેન્ટિલેટર દાનમાં કે કેન્દ્ર તરફથી મળ્યાં હતાં. રાજ્ય સરકારે 125.13 કરોડ રૂપિયા પ્રતિ વેન્ટિલેટરના ભાવે 2305 વેન્ટિલેટર ખરીદયાં હતાં. સિલ્લર હેલ્થકેર ઈન્ડિયા કંપની પાસેથી સૌથી વધુ 11.24 લાખ રૂપિયાના ભાવે 51 વેન્ટિલેટર ખરીદાયાં હતાં.

ક્યાં કેટલું વળતર ચૂકવાયું...

કોને?કેટલું?અરજી
મૃતકોના પરિજન50 હજાર1.07 લાખ
માતા-પિતા ગુમાવનારા બાળક4 હજાર રૂ. મહિને27 હજાર
માતા કે પિતાને ગુમાવનારા2 હજાર રૂ. મહિને-
કોરોના વૉરિયર્સ25 લાખ રૂપિયા પ્રત્યેક297

​​​​​​​માતા-પિતાની છત્રછાયા ગુમાવનારા બાળકોને દર મહિને ~4-4 હજારનું વળતર

રાજ્ય સરકારે કોરોનાની બન્ને લહેરમાં આગળના મોરચે રહીને લોકોની સારવાર કરનાર કોરોના વોરિયર્સને 25-25 લાખ રૂપિયા વળતર ચૂકવ્યું છે. આવા 297 વોરિયર્સને સરકારે કુલ 74.25 કરોડ રૂપિયા ચૂકવ્યાં છે. આ ઉપરાંત એવાં બાળકો જેમણે પોતાના માતા-પિતા બંનેને ગુમાવી દીધાં છે તેમને પણ સરકાર તરફથી દર મહિને 4-4 હજાર રૂપિયાનું વળતર ચૂકવવાની જાહેરાત કરાઈ છે.

1.07 લાખ મૃતકો માટે 535 કરોડ વળતર, 297 વોરિયર્સને 74 કરોડ ચૂકવ્યાં
કોરોના મૃતકોના પરિવારજનોને વળતર તરીકે સરકારે 525 કરોડ રૂપિયા ચૂકવ્યાં છે. સરકારી રેકોર્ડમાં મૃત્યુનો આંકડો ભલે 10 હજારની નજીક હોય પણ સરકાર અત્યાર સુધી 1.07 લાખ લોકોના કોરોનાથી મોતને સ્વીકારી ચૂકી છે. કોરોનાથી મૃત્યુ પામેલાઓને વળતર ચૂકવવા મુદ્દે સુપ્રીમકોર્ટે નિર્ધારિત કરેલી ગાઇડલાઇન અનુસાર વળતર ચૂકવણીની કામગીરી કરાઈ હતી.

રાહત ફંડ - રૂ. 14 હજાર કરોડના રાહત પેકેજની સરકારે જાહેરાત કરી

  • લૉકડાઉન, આંશિક પ્રતિબંધોનો સામનો કરવા સરકારે 14 હજાર કરોડના રાહત પેકેજની જાહેરાત કરી હતી. લૉકડાઉન દરમિયાન 200 યુનિટથી વધુ વીજળીનો ઉપયોગ કરનારાઓને 100 યુનિટની વીજળી માફ કરવાની જાહેરાત કરાઈ હતી. પ્રોપર્ટી ટેક્સમાં 10થી 20 ટકાની છૂટ અપાઈ હતી. રોડ ટેક્સમાં 6 મહિના સુધી માફી અપાઈ હતી. ઉદ્યોગોને પણ પ્રોત્સાહન મદદ અપાઈ. આ ઉપરાંત નાના વેપારીઓને 5 ટકા સુધી વીજ બિલ માફ કરાયું.
  • કોરોના મહામારીના ખર્ચ માટે રાજ્ય સરકારને 2020-21 અને 2021-22ના બે નાણાવર્ષ દરમિયાન (31 ડિસે.2021) સુધીમાં કેન્દ્ર સરકાર પાસેથી 543.77 કરોડ રૂપિયાની ગ્રાન્ટ મળી હતી.
અન્ય સમાચારો પણ છે...