હવામાન:પાટનગર ઠંડીમાં ઠુઠવાયું તાપમાન 7.5 ડીગ્રી પહોંચ્યું

પાટનગર ગાંધીનગરના વાતાવરણમાં સોમવારે સીધા સાડા ચાર ડીગ્રીના ઘટાડા સાથે લઘુત્તમ તાપમાન 7.5 ડીગ્રી નોંધાયું હતું. જે શિયાળાની સિઝનનું અત્યાર સુધીનું સૌથી નીચુ તાપમાન છે. જ્યારે મહત્તમ તાપમાન 28 ડીગ્રી સુધી પહોંચ્યું હતું જોકે પવનના હિસાબે આખો દિવસે ઠંડીનો અહેસાસ થયો હતો.

23મીએ 8.5 ડીગ્રી તાપમાન નોંધાયું હતું, જે બાદ બે-બે ડીગ્રી જેટલા વધારા સાથે 26મી લઘુત્તમ તાપમાન સીધું 16 ડીગ્રી પહોંચ્યું હતું. જોકે પાટનગરમાં છેલ્લા બે દિવસથી તાપમાનમાં ચાર-ચાર ડીગ્રીના ઘટાડો નોંધાતા નગરવાસીઓ ઠંડીમાં ઠુઠવાયા હતા. અચાનક ઠંડીનો ચમકારો થયાં લોકો તાપણાના સહારે બેઠેલા જોવા મળ્યા હતા.