ઠંડીનો ચમકારો:પાટનગરમાં ઠંડીનો પારો 8 ડિગ્રી નોંધાયો

પાટનગર ગાંધીનગરમાં બુધવારે લઘુતમ તાપમાન 8 ડિગ્રી નોંધાયું હતું, જ્યારે મહતમ તાપમાન 26 ડિગ્રી નોંધાયું હતું. ગાંધીનગરમાં પાટનગરમાં સોમવારે અને મંગળવારે શિયાળાની સિઝનનું સૌથી નીચું તાપમાન 7.5 ડિગ્રી નોંધાયું હતું. શનિવારે પાટનગરમાં લઘુતમ તાપમાન 16 અને રવિવારે 12 ડિગ્રી નોંધાયું હતું. ગાંધીનગરમાં છેલ્લા ત્રણ દિવસથી ઠંડીનું જોર વધતાં નગરજનો ઠંડીમાં ઠુઠવાયા છે. રાત્રીના સુમારે ઠેર-ઠેર ઠંડીની રક્ષણ માટે લોકો તાપણા કરતાં નજરે પડે છે તો સાથે જ આખો દિવસ લોકો જેકેટ અને સ્વેટરના સહારે રહે છે.હજુ પણ બે દિવસ ઠંડીનુ જોર રહેશે તેવી વકી છે.