ઠંડીમાં વધારો:24 કલાકમાં ઠંડીનો પારો 4 ડિગ્રી ગગડ્યો

પવનની દિશા બદલાતા શનિવારે ઠંડીમાંથી જિલ્લાવાસીઓને આંશિક રાહત મળી હતી. પરંતુ 24 કલાકમાં ઠંડીનો પારો 4 ડિગ્રી ગગડતા શહેરમાં ઠંડીમાં વધારો થયો છે. શનિવારની સાંજ બાદ ઉત્તરીય ઠંડા પવનો શરૂ થતાં માત્ર ચોવીસ કલાકમાં લઘુતમ પારો 4 ડિગ્રી ગગડીને 12 ડિગ્રીએ અટક્યો છે. જોકે ઠંડા પવનોને લીધે લઘુતમ તાપમાનની સાથે સાથે મહત્તમ તાપમાનનો પારો પણ 2 ડિગ્રી ઘટીને 28.5 ડિગ્રીએ અટક્યો છે. જોકે હવામાન વિભાગે આગામી સમયમાં હાડ થીજાવતી ઠંડીની આગાહી કરતા નગરવાસીઓને હજુ ગરમ વસ્ત્રોમાં જ રહેવું પડશે.