અનેક લોકોમાં નારાજગી:માલધારી મહાપંચાયત પહેલાં જ ગાંધીનગરના કન્વીનરનું રાજીનામું

ગાંધીનગર19 દિવસ પહેલા
  • કૉપી લિંક
  • બિન રાજકીય સંગઠનમાં રાજકારણ ભળ્યું હોવાની વાતથી અનેક લોકો નારાજની ચર્ચા
  • કોંગ્રેસના નેતાઓની હાજરી મુદ્દે મહાપંચાયતમાં વિરોધનો સૂર ઉઠ્યો હતો

રખડતાં પશુઓ માટે વૈકલ્પિક વ્યવસ્થા કરવા અને પશુ નિયંત્રણ કાયદો રદ કરવાની માંગ સાથે માલધારી વેદના સમાજ 20 સપ્ટેમ્બરે શેરથા ટોલટેક્સ ખાતે સરકાર વિરુદ્ધ કાર્યક્રમ કરશે. ત્યારે આ બધા માલધારી મહાપંચાયતમાં ભંગાણની સ્થિતિ ઉભી થઈ છે. માલધારી મહાપંચાયતના ગાંધીનગર શહેર કન્વીનર એવા રઘુભાઈ રબારીએ પોતાનું રાજીનામું આપ્યું છે. જેમાં તેઓએ સમાજ સેવા કરતાં રહેવાની જાહેરાત કરી છે.

છેલ્લા કેટલાક સમયથી આંતરિક વિખવાદ ચાલે છે
મળેલી માહિતી મુજબ માલધારી મહાપંચાયતમાં છેલ્લા કેટલાક સમયથી આંતરિક વિખવાદ ઉભો થયો છે. જેમાં અમદાવાદના કાર્યક્રમમાં કોંગ્રેસના નેતાઓની હાજરી મુદ્દે મહાપંચાયતમાં વિરોધનો સૂર ઉઠ્યો હતો. જેમાં બીનરાજકીય સંગઠનમાં પક્ષના નેતાઓ દ્વારા પોતાની મહોર મારવાનો પ્રયત્નો થતા હોવાની ફરિયાદો ઉઠી છે.

ગાંધીનગરના કન્વીનરે રાજીનામું આપી દેતા ખળભળાટ
​​​​​​​
બીજી તરફ તાજેતરમાં ગાંધીનગરમાં માલધારી પંચાયત દ્વારા થયેલા ધરણાં બાદ કેટલાક સભ્યો મેયરને મળ્યા હતા. જેમાં કોંગ્રેસ દ્વારા રજૂઆત થઈ હોવાની વાતો સામે આવતા આ અંગે પણ વિરોધનો સૂર ઉઠ્યો હતો. ત્યારે આ બધી માથાકૂટો વચ્ચે માલધારી મહાપંચાયતના ગાંધીનગરના કન્વીનરે રાજીનામું આપી દેતા ખળભળાટ મચી ગયો છે. રાજીનામાને લઇ નગરમાં ચર્ચાનો વિષય બન્યા છે.

અન્ય સમાચારો પણ છે...