તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

હીટ એન્ડ રન:ગાંધીનગરમાં ખ - 0 સર્કલથી સૌંદર્ય - 444 તરફ જતા રોડ પર અજાણ્યા વાહનની ટક્કરથી રાહદારીનું મોત

ગાંધીનગર3 મહિનો પહેલા
  • કૉપી લિંક
  • ગંભીર રીતે ઘવાયેલા રાહદારીનું ઘટનાસ્થળે જ મોત

ગાંધીનગરનાં ખ - 0 સર્કલથી સૌંદર્ય - 444 તરફ જતા રોડ પર ગઈકાલે રાત્રિના સમયે કોઈ અજાણ્યા વાહન ચાલકે પૂરપાટ ઝડપે પોતાનું વાહન હંકારી અજાણ્યા રાહદારી પુરુષને ટક્કર મારી નાસી ગયો હતો. આ અકસ્માતમાં રાહદારી નું ઘટનાસ્થળે મોત નિપજતા સેકટર - 7 પોલીસે ગુનો નોંધી કાયદેસરની કાર્યવાહી હાથ ધરી હતી.

ગાંધીનગરમાં રાત્રિ કરફ્યુ દરમિયાન શહેરનાં આંતરિક માર્ગો પર વાહન ચાલકો બેફામ બનતાં છાશવારે નાના મોટા અકસ્માતો સર્જાતા રહે છે. બુધવારની રાત્રે પણ જાણીતા બિલ્ડર નાં ભત્રીજા એ પોતાની કાર પૂરપાટ ઝડપે હંકારી ને સેકટર 6 નાં માર્ગ પર અકસ્માત સર્જ્યો હતો. કારની સ્પીડ વધુ પડતી હોવાથી તેણે કાર પરનો કાબુ ગુમાવી દીધો. જોકે સદનસીબે તેનો બચાવ થયો હતો પણ નવી નક્કોર કાર ટોટલ લોસ થઈ જવા પામી હતી.

ત્યારે ગઈકાલે રાત્રિ દરમિયાન પણ ખ - 0 સર્કલથી સૌંદર્ય - 444 તરફ જતાં રોડ પરથી અજાણ્યો રાહદારી પુરુષ પસાર થઈ રહ્યો હતો તે વખતે કોઈ અજાણ્યો વાહન ચાલક પોતાનું વાહન પૂરપાટ ઝડપે અને ગફલતભરી રીતે હંકારી રાહદારીને ટક્કર મારીને ફરાર થઈ ગયો છે. આ અકસ્માતમાં રાહદારી નું ગંભીર ઈજાઓ થવાથી ઘટનાસ્થળે મોત નીપજ્યું હતું.

અકસ્માત સર્જાતા આસપાસના વસાહતીઓ મોટી સંખ્યામાં એકઠા થઇ ગયા હતા. બનાવની જાણ થતા સેકટર 7 પોલીસ મથક ના એએસઆઈ સુરેશભાઈ ચૌધરી સ્ટાફના માણસો સાથે ઘટના સ્થળે દોડી આવ્યા હતા. બાદમાં પોલીસે મૃતક ની ઓળખવિધિ કરવા માટે આસપાસના વિસ્તારમાં પૂછપરછ શરૂ કરી હતી. પરંતુ આશરે 50 વર્ષીય મૃતકની ઓળખ વિધિ થઇ શકી ન હતી. આ અંગે પોલીસે મૃતકની લાશનું પોસ્ટમોર્ટમ કરાવી અજાણ્યા વાહન ચાલક વિરુદ્ધ ગુનો નોંધી વધુ તપાસ હાથ ધરી હતી.

અન્ય સમાચારો પણ છે...