પૂજન:કોરોનાને કારણે ભગવાન ધન્વંંતરીનું ઓનલાઈન પૂજન

કોરોનાને પગલે પ્રથમ વખત ધનવંતરીની પૂજન ઓનલાઇન કાર્યક્રમનું આયોજન 42-84 કડવા પાટીદાર સમાજે કર્યું હતું. જેમાં આહાર અને આરોગ્ય વિષય ઉપર વી કેર ફાઉન્ડેશન દ્વારા જરૂરી જાણકારી અપાઈ હતી. કોરોનાને પગલે 42-84 કડવા પાટીદાર સમાજ મહિલા અને ઉમા ટ્રસ્ટ દ્વારા ધનવંતરી પૂજનનો કાર્યક્રમ ઓનલાઇન યોજવામાં આવ્યો હતો. જેમાં આહાર અને આરોગ્ય વિષય ઉપર વી કેર ફાઉન્ડેશન દ્વારા જાણકારી આપી હતી. જેના ઉદાહરણમાં જણાવ્યું હતું કે લોકડાઉનમાં લોકો ઘરમાં રહીને ઘરે બનાવેલું ભોજન આરોગતા હોવાથી બિમારીઓ ઘટી ગઇ હતી. વધુમાં સુખ, શાંતિ, સંતોષ, આરોગ્ય અને કર્મ તથા મનના વિચારોની અસર વિશે પણ જાણકારી આપી હતી. ત્યારબાદ ભગવાન ધનવંતરી દેવની પૂજા કરવામાં આવી હતી. આ પ્રસંગે 42-84 કડવા પટેલ સમાજના મહિલા પ્રમુક સુશીલાબેન, ઉમા ટ્રસ્ટના ટ્રસ્ટી યોગેશભાઇ અને હર્ષદભાઇ સહિત ઉપસ્થિત રહ્યા હતા.