• Gujarati News
  • Local
  • Gujarat
  • Gandhinagar
  • More Than 80 Thousand Cases Of Lung Cancer To Respiratory System Diseases Were Found In The Five Years From 2012 To 2017 At 3 Places In The State.

વાયુ પ્રદૂષણ:રાજ્યમાં 3 સ્થળે 2012થી 2017નાં પાંચ વર્ષમાં 80 હજારથી વધુ ફેફસાંના કેન્સરથી માંડીને શ્વસનતંત્રના રોગના કેસ મળ્યા

ગાંધીનગર9 દિવસ પહેલા
  • કૉપી લિંક
ફાઈલ ફોટો - Divya Bhaskar
ફાઈલ ફોટો
  • વિધાનસભામાં રજૂ થયેલા રાજ્યમાં વાયુ પ્રદૂષણની સ્થિતિ અંગેના ‘કેગ’ના અહેવાલમાં સ્ફોટક વિગતો

ગુજરાતની વટવા(અમદાવાદ), વાપી અને અંકલેશ્વર જીઆઇડીસીમાં વાયુ પ્રદૂષણ ઓછું ગંભીર બનતાં 2016માં તેના પર લદાયેલાં મોરેટોરિયમ (નિયંત્રણો) હટાવી લેવાયાં હતાં. પરંતુ તે માત્ર બે જ વર્ષમાં એટલે કે 2018માં આ ત્રણેય GIDC વિસ્તારોમાં વાયુ પ્રદૂષણનું સ્તર અતિ ગંભીર સ્તરે પહોંચી ગયું હતું. વિધાનસભામાં ગુરુવારે રજૂ થયેલાં કેગના રાજ્યમાં વાયુ પ્રદૂષણની સ્થિતિ અંગેના અહેવાલમાં આ સ્ફોટક વિગતો રજૂ થઇ હતી.

પ્રદૂષણ થોડું નિયંત્રિત થયું
ગંભીર વાયુ પ્રદૂષણને લઇને તત્કાલીન યુપીએ સરકારે મોરેટોરિયમ લાદ્યો હતો, જે અન્વયે આ ઔદ્યોગિક વિસ્તારોમાં કોઇપણ નવા એકમને સ્થાપવા કે વિસ્તરણની મંજૂરી આપવામાં આવતી ન હતી. જો કે કેન્દ્રીય પ્રદૂષણ બોર્ડના ઠપકાં બાદ આ વિસ્તારોએ અમુક કામગીરી કરતાં પ્રદૂષણ થોડું નિયંત્રિત થયું હતું. 2016માં નિયંત્રણો હટ્યા તે સમયે સર્વગ્રાહી પર્યાવરણીય પ્રદૂષણ સૂચકાંક(CEPI) વાપીમાં 68.2, અંકલેશ્વરમાં 68 જ્યારે વટવામાં 54.2 નોંધાયો તે 2018માં અનુક્રમે 79.95, 80.21 અને 70.94એ પહોંચી ગયો હતો.

હવાની ગુણવત્તાની દેખરેખ
CEPI આંક 60થી 70 વચ્ચે હોય તો તે જોખમકારક પ્રદૂષિત જ્યારે 70થી વધુ હોય તો ગંભીર રીતે જોખમી મનાય છે.કેગએ નોંધ્યું છે કે કેન્દ્રીય પ્રદૂષણ નિયંત્રણ બોર્ડે ગુજરાત બોર્ડને આ વિસ્તારોની હવાની ગુણવત્તાની દેખરેખ માટે ઓછામાં ઓછી બે પ્રણાલીઓ વિકસાવવા કહ્યું હતું. વટવા, અંકલેશ્વર, વાપી GIDC પરથી મોરેટોરિયમ હટ્યાના બે વર્ષમાં વાયુ પ્રદૂષણ ફરી ગંભીર સ્તરે પહોંચ્યું

રાજ્ય સરકારે માન્ય આરોગ્ય સંસ્થાને બદલે ખાનગી તબીબો પાસે સરવે કરાવ્યો​​​​​​​​​​​​​​
કેગ મુંજબ પાંચ વર્ષના ગાળામાં વટવા, વાપી અને અંકલેશ્વર વિસ્તારમાં 80,443 લોકોને ફેફસાનું કેન્સર, દમ, શ્વાસનળીનો સોજો જેવી શ્વસનતંત્રની ગંભીર બિમારીઓ થઇ. રાજ્ય સરકારે સરવે જવાબદારી ઔદ્યોગિક વસાહતો પર નાંખી હતી જેમણે ખાનગી તબીબો પાસે સર્વે કરાવ્યો. ખરેખર આ સરવે ગુજરાત પ્રદૂષણ નિયંત્રણ બોર્ડે સરકાર માન્ય આરોગ્ય સંસ્થા પાસે કરાવાની જરૂર હતી.

વાયુ પ્રદૂષણને અવગણી જીપીસીબીએ માત્ર જળ પ્રદૂષણ પર જ ભાર મૂક્યો
ગુજરાત પ્રદૂષણ નિયંત્રણ બોર્ડની ગંભીર બેદરકારી કેગના રીપોર્ટમાં સામે આવી. 2021માં 32,967 પૈકી માત્ર 4,415 એકમોની વાયુ પ્રદૂષણની ચકાસણી કરાઈ. જ્યારે જળ પ્રદૂષણનાં 41,993માંથી 21,992 એકમોના પાણીના નમૂના ચકાસાયાં.

ગાંધીનગરની સાબરમતી નદીના કિનારે ડમ્પિંગ સાઇટ બાબતે કેગની લાલ આંખગાંધીનગર મહાનગર પાલિકાએ સાબરમતી નદીના તટ પાસે ડમ્પિંગ સાઇટ બનાવી છે જેમાંથી તીવ્ર વાસ, કચરો બળવાનો ધુમાડો, રખડતાં ઢોર અને ભળી ગયેલો પ્લાસ્ટિક વેસ્ટ કેગની નજરે ચડ્યો હતો. જેથી આસપાસ પ્રદૂષણ ગંભીર પ્રમાણ હતું.

અદાણી-ટોરેન્ટે યોગ્ય પાલન ન કરતાં ફ્લાયએશ સાબરમતી નદીમાં ગઇ
ટોરેન્ટ પાવર પાસે નિકાલ ન થયેલી ફ્લાય એશનો જથ્થો પાંચ વર્ષમાં વધી ગયો. કંપનીએ 2014થી 2019 સુધીમાં 16 લાખ મેટ્રિક ટન ફ્લાય એશનો નિકાલ કરવાનું હતું પણ માત્ર 1.92 લાખ મે. ટન રાખનો નિકાલ કર્યો હતો, જ્યારે અદાણી પાવર લિમિટેડે પોતાની 15.42 લાખ મે. ટન ફ્લાયએશનો વપરાશ મંજૂરી વિના કરી નાંખ્યો અને તેની સામે પ્રદૂષણ નિયંત્રણ બોર્ડે કોઇ પગલાં લીધાં ન હતાં.

અન્ય સમાચારો પણ છે...