તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

માતાપિતા સાવધાન:ગાંધીનગરમાં ત્રણ વર્ષના બાળકે રમત-રમતમાં LED રાખડીનો બટન સેલ નાકમાં નાખી દીધો, શ્વાસ રૂંધાવવા લાગતા સર્જરી કરવી પડી

ગાંધીનગર24 દિવસ પહેલા
  • કૉપી લિંક
  • નાના બાળકોને બટન સેલ સંચાલિત વસ્તુઓ આપતા વાલીઓ માટે ચેતવણીરૂપ કિસ્સો

ગાંધીનગરમાં ત્રણ વર્ષના બાળકના હાથે બાંધવામા આવેલી LED રાખડીના કારણે બાળક અને તેના પરિવારજનોમાં દોડધામ મચી હતી. કોઈ કારણોસર બાળકે રમતરમતમાં LED રાખડીનો બટન સેલ તેના નાકમાં નાખી દેતા બાળકનો શ્વાસ રૂંધાવવા લાગ્યો હતો જેના કારણે બાળકના નાકની તાત્કાલિક સર્જરી કરી સેલ કાઢવાની ફરજ પડી હતી.

નાકની સર્જરી કરી કાઢવામા આવેલા સેલની તસવીર
નાકની સર્જરી કરી કાઢવામા આવેલા સેલની તસવીર

LED રાખડીના કારણે ઘટના બની
રક્ષા બંધનનાં પર્વ નિમિત્તે માર્કેટમાં અવનવી ફેન્સી ડિઝાઈન તેમજ રંગબેરંગી લાઈટો વાળી રાખડી બજારમાં ઉપલબ્ધ રહેતી હોય છે. પરંતુ, બાળકોને પ્રિય એવી કાર્ટૂન કેરેક્ટર તેમજ LED લાઈટ વાળી રાખડી ક્યારેક કેવી મુશ્કેલી ઉભી કરે છે તેનું તાજુ ઉદાહરણ ગાંધીનગરમાં જોવા મળ્યું હતું. અહીં રહેતા જોડિયા ભાઈ બહેનોએ રક્ષા બંધનની ઉજવણી કરી હતી. ત્યારે બન્ને જોડિયા સંતાનોને એક સરખી જ LED લાઈટ વાળી રાખડી બાંધવામાં આવી હતી. ત્યારે લાઈટ વાળી રાખડી હાથે બાંધીને ફરતા જોડિયા ભાઈ બહેન આખો દિવસ મોજ મસ્તી કરી રહ્યા હતા. ત્યારે અચાનક કુતૂહલવશ ત્રણ વર્ષીય બાળકે LED લાઈટનો બટન સેલ નાકમાં નાખી દીધો હતો. જેને તેણે કાઢવાનો ઘણો પ્રયત્ન કર્યો હતો પરંતુ બટન સેલ છેક અંદર સુધી ઘૂસી ગયો હતો.

LED રાખડીની પ્રતીકાત્મક તસવીર
LED રાખડીની પ્રતીકાત્મક તસવીર

જેનાં પરિણામે અચાનક તે રડવા લાગતા પરિવારજનોને માલુમ પડયું હતું કે બાળકના નાકમાં બટન સેલ ફસાઈ ગયો હોવાથી તેને શ્વાસ લેવામાં તકલીફ પડતી હોવાથી તે રડી રહ્યો છે. આથી પરિવારજનો તેને રાત્રિ ના સમયે ગાંધીનગર સિવિલ હોસ્પિટલ લઈને દોડયા હતા. જ્યાં તેનો એક્સ રે રિપોર્ટ કરાવતા નાકમાં બટન સેલ ફસાઈ ગયો હોવાનું સ્પષ્ટ થયું હતું.

સફળ સર્જરી કરનાર ડૉ. દેવી ગજ્જર
સફળ સર્જરી કરનાર ડૉ. દેવી ગજ્જર

ENT સર્જને જટિલ સર્જરી કરી બાળકને નવજીવન આપ્યું
સિવિલમાં તેનું ઓપરેશન બીજા દિવસે શકય બનશે તેવો જવાબ મળતા પરિવારજનો બાળકને લઈને ગાંધીનગરની હાઈટેક હોસ્પિટલ ખાતે મોડી રાત્રે પહોંચી ગયા હતા. જ્યાં ઈએનટી સર્જન ડો. દેવી ગજ્જરે તેને તપાસીને તુરંત ઓપરેશન કરવાનો નિર્ણય લીધો હતો કેમકે બાળકના નાકમાં થી લોહી પણ વહેવા લાગ્યું હતું. અને બાળકને બેભાન કરીને મોડી રાત્રે જટિલ ઓપરેશન કરીને બટન સેલ કાઢી નવ જીવન આપ્યું હતું.

અન્ય સમાચારો પણ છે...