તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

વિદ્યાર્થીઓની મુંઝવણ:ધોરણ 12 સાયન્સની બોર્ડની પરીક્ષા પહેલા ગુજકેટ લેવાશે? પરીક્ષા માટેના ફોર્મ હજુ ભરાયા નથી

ગાંધીનગર4 મહિનો પહેલા
  • કૉપી લિંક
ફાઈલ ફોટો - Divya Bhaskar
ફાઈલ ફોટો
  • રજિસ્ટ્રેશન શરૃ નહીં થતાં પરીક્ષાને લઈને વિદ્યાર્થીઓ મુંઝવણમાં મુકાયા.
  • રાજ્યની કોલેજોમાં ઈજનેરી-ફાર્મસી પ્રવેશ માટે ગુજકેટ લેવામા આવે છે.

ગુજરાત શિક્ષણ બોર્ડ દ્વારા નક્કી કરાયેલી તારીખ મુજબ આગામી 24મી જુને ગુજકેટ લેવામા આવનાર છે અને 12 સાયન્સની મુખ્ય જાહેર બોર્ડ પરીક્ષા 1લી જુલાઈથી શરૃ થનાર છે.આમ આ વર્ષે પ્રથમવાર મુખ્ય બોર્ડ પરીક્ષા ગુજકેટ લેવાશે તેવુ લાગી રહ્યુ છે. જો કે હજુ સુધી ગુજકેટ માટે બોર્ડ દ્વારા ઓનલાઈન ફોર્મ જ ભરવામા આવ્યા નથી અને સરકારે 1લી જુલાઈથી બોર્ડ પરીક્ષા ગોઠવતા ગુજકેટ પાછી ઠેલાઈ શકે છે. પરંતુ બોર્ડ દ્વારા હજુ કોઈ સ્પષ્ટતા કરાઈ નથી.

ઈજનેરી-ફાર્મસી પ્રવેશ માટે ગુજકેટ લેવાય છે
ગુજરાત શિક્ષણ બોર્ડ દ્વારા દર વર્ષે માર્ચમાં 12 સાયન્સની મુખ્ય જાહેર બોર્ડ પરીક્ષા લેવાયા બાદ એપ્રિલમાં ગુજકેટ લેવાતી હોય છે. અગાઉ મેડિકલ પ્રવેશ માટે ગુજકેટ લેવાતી હતી અને નીટ લાગુ થયા બાદ થોડા વર્ષોથી રાજ્યની કોલેજોમાં ઈજનેરી-ફાર્મસી પ્રવેશ માટે ગુજકેટ લેવામા આવે છે. ગત વર્ષે કોરોનાને લઈને ગુજકેટ ઓગસ્ટમા લેવામા આવી હતી અને આ વર્ષે પણ કોરોનાને લઈને બોર્ડ પરીક્ષાઓ અને ગુજકેટ બંને હજુ સુધી લઈ શકાઈ નથી. જો કે ગુજરાત શિક્ષણ બોર્ડ દ્વારા ગુજકેટ પરીક્ષાની તારીખ ઘણા દિવસો પહેલા નક્કી કરી દેવાઈ હતી અને જે મુજબ 24મી જુને રાજ્યભરમાં ગુજકેટ લેવામા આવનાર છે.

ગત વર્ષે 1.30 લાખથી વધુ વિદ્યાર્થીએ ગુજકેટ આપી હતી ( ફાઈલ ફોટો)
ગત વર્ષે 1.30 લાખથી વધુ વિદ્યાર્થીએ ગુજકેટ આપી હતી ( ફાઈલ ફોટો)

ગત વર્ષે 1.30 લાખ વિદ્યાર્થીએ ગુજકેટ આપી હતી
આ વર્ષે ગુજકેટ પરીક્ષા માટે વિદ્યાર્થીઓ વધશે. ગત વર્ષે 1.30 લાખથી વધુ વિદ્યાર્થીએ ગુજકેટ આપી હતી અને આ વર્ષે 12 સાયન્સની બોર્ડ પરીક્ષા માટે વિદ્યાર્થીઓ વધતા ગુજકેટ આપનારા વિદ્યાર્થીઓ પણ વધે તેવી શક્યતા છે.જો કે ગુજરાત શિક્ષણ બોર્ડ દ્વારા હજુ સુધી ગુજકેટ પરીક્ષા માટે ઓનલાઈન રજિસ્ટ્રેશન જ શરૃ કરાયુ નથી. મોટા ભાગે પરીક્ષાના એક મહિના પહેલા જ ઓનલાઈન ફોર્મ ભરાવી દેવામા આવે છે પરંતુ હજુ સુધી રજિસ્ટ્રેશન શરૃ ન થયુ હોઈ પરીક્ષાને લઈને વિદ્યાર્થીઓ મુંઝવણમાં મુકાયા છે.

રજિસ્ટ્રેશન શરૃ ન થયુ હોઈ પરીક્ષાને લઈને વિદ્યાર્થીઓ મુંઝવણમાં મુકાયા ( ફાઈલ ફોટો)
રજિસ્ટ્રેશન શરૃ ન થયુ હોઈ પરીક્ષાને લઈને વિદ્યાર્થીઓ મુંઝવણમાં મુકાયા ( ફાઈલ ફોટો)

જુલાઈના અંતમાં લેવાય તેવી ચર્ચા
બોર્ડે નક્કી કરેલી ગુજકેટની તારીખ મુજબ પ્રથમવાર આ વર્ષે 12 સાયન્સની મુખ્ય જાહેર બોર્ડ પરીક્ષા પહેલા જ ગુજકેટ લેવાશે કે કેમ ? જો કે સરકારે 1 લી જુલાઈથી ધો.12ની બોર્ડ પરીક્ષા યોજવાનું જાહેર કરતા અને હજુ સુધી ગુજકેટ માટે રજિસ્ટ્રેશન પણ ન થયુ હોઈ ગુજકેટ પરીક્ષાની તારીખમાં ફેરફાર થઈ શકે છે અને ગુજકેટ જુલાઈના અંતમાં લેવાય તેવી પણ ચર્ચા છે.