કોરોના ગુજરાત LIVE:છેલ્લા 24 કલાકમાં કોરોનાના નવા 1514 કેસ અને 1635 દર્દી સાજા થઈ ઘરે પરત ફર્યા, રિક્વરી રેટ 91.35 થયો, 15 દર્દીઓના કોરોનાના કારણે મોત

ગુજરાતમાં દિવાળી તહેવારો બાદ કોરોના વકર્યો છે. રાજ્યમાં છેલ્લા 15 દિવસમાં કોરોનાના 12 વાર 1500થી વધારે કેસ નોંધાયા છે. સાથે જ સતત ડિસ્ચાર્જ થનાર દર્દીઓનો આંકડા પણ વધી રહ્યો છે. પરંતુ કોરોનાના કારણે 15 દર્દીઓએ જીવ ગુમાવ્યા છે અને તેમના દુઃખદ મોત થયા છે. છેલ્લા 24 કલાકમાં 69 હજાર 324 ટેસ્ટ કરવામાં આવ્યા હતા. જેમાંથી 1514ના રિપોર્ટ પોઝિટિવ આવ્યા છે. જ્યારે કોરોનાને મ્હાત આપનાર દર્દીઓની સંખ્યા 1635 થઈ છે અને આ દર્દીઓ કોરોનાને હરાવીને ઘરે પરત ફર્યા છે. જ્યારે રિક્વરી રેટ 91.35 ટકા થયો છે. 16 નવેમ્બર બાદ નવા કેસ કરતા ડિસ્ચાર્જ વધુ થયા છે.

14742 એક્ટિવ કેસ, 90 વેન્ટિલેટર પર, 1 લાખ 98 હજાર 527 દર્દી ડિસ્ચાર્જ
રાજ્યમાં અત્યાર સુધીમાં 81 લાખ 72 હજાર 380 ટેસ્ટ કરવામાં આવ્યા છે, જેમાંથી 2 લાખ 17 હજાર 333ના રિપોર્ટ પોઝિટિવ આવ્યા છે, જ્યારે મૃત્યુઆંક 4064એ પહોંચ્યો છે. તેમજ અત્યાર સુધીમાં 1 લાખ 98 હજાર 527 દર્દી ડિસ્ચાર્જ થયા છે. એક્ટિવ કેસની વાત કરીએ તો રાજ્યમાં હાલ 14742 એક્ટિવ કેસ છે, જેમાંથી 90 વેન્ટિલેટર પર જ્યારે 14652 દર્દીની હાલત સ્થિર છે.

21 નવેમ્બરથી અત્યાર સુધી 12 વાર 1500થી વધુ અને એકવાર 1600થી વધુ કેસો નોંધાયા
અત્યાર સુધીમાં ગુજરાતમાં 1500થી વધુ કેસ નોંધાયા છે. જેમાં સૌપ્રથમવાર 21 નવેમ્બરે 1515, 24 નવેમ્બરે 1510, 25મી નવેમ્બરે 1540, 26 નવેમ્બરે 1560, 28 નવેમ્બરે 1598, 27 નવેમ્બરે તો 1600નો આંક વટાવીને 1607 કેસ, 28 નવેમ્બરે 1598 અને 29 નવેમ્બરે 1564 કેસ, 30 નવેમ્બરે 1502, 2 ડિસેમ્બરે 1512, 3 ડિસેમ્બરે 1540 4 ડિસેમ્બરે 1510 અને 5 ડિસેમ્બરે 1514 કેસ નોંધાયા છે.

અન્ય રાજ્યોની સરખામણીએ ગુજરાતમાં નવા કેસ, કુલ કેસ અને એક્ટિવ કેસ

1 ઓક્ટોબરથી 5 ડિસેમ્બર સુધી રાજ્યમાં નોંધાયેલાં કેસ, મોત અને ડિસ્ચાર્જના આંકડાઓ

રાજ્યમાં કુલ કેસ 217333 અને 4064ના મોત