નિયમ પાળ્યા, સગાંવાદ છાવર્યો:ગાંધીનગર જિલ્લા પંચાયતની 28માંથી 27 બેઠકના ભાજપના ઉમેદવાર જાહેર, સાદરા બેઠક માટે ‘થોભો ને રાહ જુઓ’ની નીતિ

જિલ્લા પંચાયતની 28 સીટો માટે ભાજપે ઉમેદવારો જાહેર કરતા રાજકારણ ગરમાયું છે. જેમાં ગત ટર્મના રિપીટેશન જોવા મળ્યું નહીં પરંતુ સગાવાદ જોવા મળ્યો હતો. પૂર્વ સદસ્યના દિકરાની પત્ની, પતિ સહિતનો સગાવાદ જોવા મળ્યો હતો. ગત ટર્મના 6માંથી એકપણ રિપીર્ટ કરાયા નથી. ચૂંટણીમાં ભારતીય જનતા પાર્ટીએ પોતાના ઉમેદવારોના નામ જાહેર કર્યા છે. જિ. પંચાયતની કુલ સીટો માટે ભાજપે 27 સીટો પરના ઉમેદવારો જાહેર કર્યા છે. જ્યારે સાદરાની બેઠકને લઇને થોભો અને હાર જોવોની નીતિ ભાજપે અપનાવી છે. ત્યારે ગાંધીનગર જિલ્લા પંચાયતની સીટો માટે જાહેર કરેલા ઉમેદવારોમાં રિપીટ એકપણ ઉમેદવાર કરાયો નથી.

જિ.પંચાયતની સીટોમાં સગાવાદ-બળવાખોરને મહત્ત્વ

ગત ટર્મના કયા કયા સદસ્યો કપાયા

સાદરાની બેઠકને લઇને ભાજપ-કોંગ્રેસમાં અસમંજસ
જિલ્લા પંચાયતની 28 સીટો માટે ભાજપે ઉમેદવારોના નામ જાહેર કર્યા છે. પરંતુ સાદરાની બેઠકના ઉમેદવારનું નામ જાહેર કરવામાં ઠાકોર અને પટેલ સમાજને લઇને અસમંજસની સ્થિતિ ભાજપ અને કોંગ્રેસ માટે બની રહી છે. ત્યારે હવે જોવાનું રહેશે કે ભાજપ અને કોંગ્રેસ પટેલ કે ઠાકોર સમાજને મહત્વ આપે તે તો આગામી સમયમાં જ ખબર પડશે. સ્થાનિક સ્વરાજની ચુંટણીના ઉમેદવારી ફોર્મનું વિતરણ અને ભરવાની કામગીરી શરૂ થઇ છે. ત્યારે જિલ્લા પંચાયતની કુલ 28 સીટો ઉપર ભાજપ અને કોંગ્રેસ માટે સીધો જંગ ખેલાવાનો છે. જોકે ભાજપ અને કોંગ્રેસ બન્ને ઉમેદવારોની પસંદગીને લઇને સમાજ તેમજ વ્યક્તિગત પ્રતિષ્ઠા સહિતના પાસાઓનો અભ્યાસ કર્યા બાદ ટીકીટ આપવામાં આવી રહી છે. જેમાં ગુરૂવારે ભારતીય જનતા પાર્ટીએ જિલ્લા પંચાયતની કુલ 28માંથી 27 સીટોના નામ જાહેર કર્યા છે. પરંતુ એક માત્ર સાદરાની સીટના ઉમેદવારના નામને લઇને ભાજપ અને કોંગ્રેસમાં અવઢવની સ્થિતિમાં આવી ગયું છે. સાદરાની બેઠકમાં ઠાકોર અને પટેલ સમાજનું પ્રભુત્વ વિશેષ રહેલું છે.

ત્યારે પટેલ અને ઠાકોર સમાજના મત ખેંચી શકે અને જીતી શકે તેવા ઉમેદવારોની શોધખોળ કરી રહ્યા છે. જોકે ભાજપ અને કોંગ્રેસ બન્ને સામા પક્ષવાળા કયા સમાજનો ઉમેદવાર ઉભો રાખે છે. તેના આધારે ઉમેદવાર ઉભો રાખવાની વેતરણમાં હોય તેમ ભાજપે ગુરૂવારે જાહેર કરેલી યાદીમાં સાદરાની સીટ માટે નામની જાહેરાત બાકી રાખવા પરથી લાગી રહ્યું છે.

જોકે ભાજપ કે કોંગ્રેસમાંથી જો કોઇ એક સમાજમાંથી ટીકીટ આપશે તો સામે પક્ષે બીજા સમાજનો ઉમેદવાર અપક્ષમાં ઉમેદવારી નોંધાવશે તેમ રાજકીય ક્ષેત્રે ચાલી રહેલી ચર્ચા પરથી લાગી રહ્યું છે. જોકે નવા સીમાંકન પછી સાદરાની નવી બેઠક બની છે. ત્યારે રાજકીય પક્ષો પણ કયા સમાજનો ઉમેદવાર ઉભો રાખીશું તો જીતી શકશે તેના ગણિતમાં કાચા પડી રહ્યા છે. ઉલ્લેખનીય છે કે કોંગ્રેસમાંથી છેલ્લા ત્રણેક ટર્મથી વિજેતા બનતા કદાવર નેતાને ટીકીટ આપે તેવી શક્યતા રહેલી છે. કેમ કે તેઓને ઉમેદવારી ફોર્મ ભરવાની કોંગ્રેસ પક્ષે અંદરખાને આપેલી સુચના પરથી લાગી રહ્યું છે. જો કોંગ્રેસ આ ઉમેદવારને મેદાનમાં ઉતારે તો ભાજપ માટે આકરા પાણી જેવી સ્થિતિ બની રહે તેવી શક્યતા હોવાનું રાજકીય વર્તુળોમાં ચાલી રહેલી ચર્ચા પરથી લાગી રહ્યું છે.

જિલ્લા પંચાયતના ભાજપના ઉમેદવારો

કલોલ નગરપાલિકાના ભાજપના ઉમેદવારો

દહેગામ નગરપાલિકાના ભાજપના ઉમેદવારો

માણસા તાલુકા પંચાયતના ભાજપના ઉમેદવારો​​​​​​​

​​​​​​​કલોલ તાલુકા પંચાયતના ભાજપના ઉમેદવારો

​​​​​​​દહેગામ તાલુકા પંચાયતના ભાજપના ઉમેદવારો

​​​​​​​