માંગણી:મુન્દ્રા પોલીસ કસ્ટડીમાં યુવકના મોત બાબતે કાર્યવાહીની માંગ

કચ્છ જિલ્લાના મુન્દ્રાના ગઢવી યુવકના પોલીસ કસ્ટડીમાં થયેલા મોતનો મામલો ગરમાયો છે. જે મુદ્દે અખિલ ભારતીય ચારણ ગઢવી મહાસભા તથા માઁ મોગલ સેના દ્વારા ગાંધીનગર કલેક્ટરને આવદેનપત્ર અપાયું છે. જેમાં ગઢવી સમાજના યુવાનના મોતમાં જવાબદારોની તાત્કાલિક અટકાયત કરવા તથા કાયદાકીય રીતે કાર્યવાહી કરવા માંગ કરાઈ છે. અરજીકર્તાઓએ કલેક્ટર કુલદીપ આર્યને સમાજની લાગણી સરકાર સુધી પહોંચાડવા કહેવાયું હતું. આવેદપત્રના કાર્યક્રમમાં રાણેસરના ઘનશ્યામદાન મોડ, સાણંદના મુકેશદાન વિઠું તથા અખિલ ભારતીય ચારણ ગઢવી મહાસભાના ગુજરાતના તથા ગાંધીનગર જિલ્લાના હોદેદારો તથા માઁ મોગલસેનાના આગેવાનો હાજર રહ્યાં હતા.