ગાંધીનગરમાં 10 વર્ષમાં પહેલીવાર BJPને બહુમતી:ભાજપે 44માંથી 41 બેઠક જીતી, કોંગ્રેસનો રકાસ-આપનું સુરસુરિયું, કમલમમાં શ્રાદ્ધમાં દિવાળી

ગાંધીનગર18 દિવસ પહેલા
  • સીઆર અને સીએમ એક જ કારમાં કમલમ્ આવ્યા
  • કમલમમાં પાટીલ-પટેલની હાજરીમાં વિજયોત્સવ
  • 11 વોર્ડમાંથી 9 વોર્ડમાં ભાજપના તમામ ઉમેદવારો જીત્યા
  • વોર્ડ-3 અને 6માં પેનલ તૂટી

ગાંધીનગર મહાનગરપાલિકામાં ભાજપે 10 વર્ષમાં પહેલીવાર બહુમતી હાંસલ કરી છે. મનપાના 11 વોર્ડની 44 બેઠકમાંથી ભાજપે 41 બેઠક પર વિજય હાંસલ કર્યો છે, જ્યારે કોંગ્રેસને બે અને આપના ફાળે એક બેઠક આવી છે. ગાંધીનગરની ચૂંટણી ભાજપ પ્રદેશ પ્રમુખ સીઆર પાટીલ અને મુખ્યમંત્રી ભૂપેન્દ્ર પટેલ માટે એક પરીક્ષા સમાન માનવામાં આવતી હતી અને તેઓ એમાં પાસ થયા છે. ચૂંટણીનાં પરિણામથી કોંગ્રેસ-આપના કાર્યાલયમાં સન્નાટો છવાઈ ગયો છે. તો ભાજપના કમલમ્ કાર્યાલયમાં દિવાળી જેવો માહોલ છે. પાટીલ અને પટેલની ઉપસ્થિતિમાં વિજયોત્સવ મનાવવામાં આવ્યો છે.

કયા વોર્ડમાં કોણ જીત્યું

વોર્ડ નંબરવિજેતાપક્ષમળેલા મત
વોર્ડ -1 25-26 -રાંધેજામીનાબેન સોમાભાઇ મકવાણાભાજપ4198
વોર્ડ -1 25-26 -રાંધેજાઅંજનાબેન સુરેશભાઇ મહેતાભાજપ5227
વોર્ડ -1 25-26 -રાંધેજાનટવરજી મથુરજી ઠાકોરભાજપ5111
વોર્ડ -1 25-26 -રાંધેજારાકેશકુમાર દશરથભાઇ ૫ટેલભાજપ4934
વોર્ડ -2 પેથાપુર-જી.ઇ.બીપારુલબેન ભૂ૫તજી ઠાકોરભાજપ5407
વોર્ડ -2 પેથાપુર-જી.ઇ.બીદીપ્તિબેન મનીષકુમાર ૫ટેલભાજપ6223
વોર્ડ -2 પેથાપુર-જી.ઇ.બીઅનિલસિંહ મહોબતસિંહ વાઘેલાભાજપ7082
વોર્ડ -2 પેથાપુર-જી.ઇ.બીગજેન્દ્રસિંહ કનુસિંહ વાઘેલાકોંગ્રેસ6070
વોર્ડ -3 24-27-28સોનાલીબેન ઉરેનકુમાર પટેલભાજપ4346
વોર્ડ -3 24-27-28દીપિકાબેન સવજીભાઇ સોલંકીભાજપ4231
વોર્ડ -3 24-27-28ભરતભાઇ મનજીભાઇ ગોહિલભાજપ4087
વોર્ડ -3 24-27-28અંકિત અશ્વિનકુમાર બારોટકોંગ્રેસ5598
વોર્ડ -4 પાલજ-ધોળાકૂવાદક્ષાબેન વિક્રમજી મકવાણાભાજપ6069
વોર્ડ -4 પાલજ-ધોળાકૂવાસવિતાબેન હેમતાજી ઠાકોરભાજપ5700
વોર્ડ -4 પાલજ-ધોળાકૂવાભરતભાઇ શંકરભાઇ દીક્ષિતભાજપ5701
વોર્ડ -4 પાલજ-ધોળાકૂવાજસપાલસિંહ પ્રવીણસિંહ બિહોલાભાજપ6566
વોર્ડ -5 પંચદેવકૈલાસબેન ગુણવંતભાઇ સુતરિયાભાજપ4544
વોર્ડ -5 પંચદેવહેમાબેન મંથનકુમાર ભટ્ટભાજપ4690
વોર્ડ -5 પંચદેવપટેલ કિંજલકુમાર દશરથભાઇભાજપ4952
વોર્ડ -5 પંચદેવપદમસિંહ ભરતસિંહ ચૌહાણભાજપ4624
વોર્ડ -6 મહાત્મા મંદિરભાવનાબેન વિક્રમસિંહ ગોલભાજપ4062
વોર્ડ -6 મહાત્મા મંદિરપ્રેમલત્તાબેન નિલેશકુમાર મહેરિયાભાજપ3825
વોર્ડ -6 મહાત્મા મંદિરવ્યાસ ગૌરાંગ રવીન્દ્રભાજપ4492
વોર્ડ -6 મહાત્મા મંદિરપરીખ તુષાર મણિલાલઆપ3974
વોર્ડ -7 કોલવડા-વાવોલસોનલબેન ઘનશ્યામસિંહ વાઘેલાભાજપ6394
વોર્ડ -7 કોલવડા-વાવોલકિંજલબેન દિનેશજી ઠાકોરભાજપ5746
વોર્ડ -7 કોલવડા-વાવોલપ્રેમલસિંહ પુંજાજી ગોલભાજપ6581
વોર્ડ -7 કોલવડા-વાવોલપટેલ શૈલેષભાઈ વિઠ્ઠલભાઈભાજપ6314
વોર્ડ -8 4-5-અંબાપુર-સરગાસણઉષાબેન વિષ્ણુજી ઠાકોરભાજપ7270
વોર્ડ -8 4-5-અંબાપુર-સરગાસણછાયા કાંતિલાલ ત્રિવેદીભાજપ7130
વોર્ડ -8 4-5-અંબાપુર-સરગાસણહિતેશકુમાર પૂનમભાઈ મકવાણાભાજપ6282
વોર્ડ -8 4-5-અંબાપુર-સરગાસણરાજેશકુમાર રાવજીભાઈ પટેલભાજપ7401
વોર્ડ -9 2-3-કુડાસણઅલ્પાબેન કૌશિકભાઈ પટેલભાજપ8293
વોર્ડ -9 2-3-કુડાસણશૈલાબેન સુનીલભાઈ ત્રિવેદીભાજપ7063
વોર્ડ -9 2-3-કુડાસણરાજુભાઈ શંકરલાલ પટેલભાજપ7646
વોર્ડ -9 2-3-કુડાસણસંકેત રમેશભાઈ પંચાસરાભાજપ7296
વોર્ડ -10 6-7-કોબામીરાબેન મિનેષકુમાર પટેલભાજપ8635
વોર્ડ -10 6-7-કોબાતેજલબેન યોગેશકુમાર વાળંદભાજપ8464
વોર્ડ -10 6-7-કોબામહેન્દ્રભાઈ પ્રહલાદભાઈ પટેલભાજપ8637
વોર્ડ -10 6-7-કોબાપોપટસિંહ હેમતુજી ગોહિલભાજપ8509
વોર્ડ -11 ભાટ-ખોરજસેજલબેન કનુભાઈ પરમારભાજપ6814
વોર્ડ -11 ભાટ-ખોરજગીતાબેન ચંદ્રકાંત પટેલભાજપ7326
વોર્ડ -11 ભાટ-ખોરજમાણેકજી ખોડાજી ઠાકોરભાજપ6496
વોર્ડ -11 ભાટ-ખોરજજશવંતલાલ અંબાલાલ પટેલ (જશુભાઈ)ભાજપ6938

11માંથી ત્રણ વોર્ડમાં પેનલ તૂટી
મનપાના 11 વોર્ડમાંથી ત્રણ વોર્ડ એવા છે. જેમાં પેનલ તૂટી છે. વોર્ડ નંબર 2, 3 અને 6માં ભાજપના ત્રણ-ત્રણ ઉમેદવારનો વિજય થયો છે. આ ત્રણ વોર્ડમાં બે વોર્ડમાં કોંગ્રેસના અને એક વોર્ડમાં આપના ઉમેદવારે જીત હાંસલ કરી છે. જેમાં વોર્ડ નંબર બે અને ત્રણમાં કોંગ્રેસ એક બેઠક મેળવવામાં સફળ રહ્યું છે, જ્યારે વોર્ડ નંબર 6માં આપે એક બેઠક મેળવી છે.

ભાજપના કાર્યકર્તાઓ ગેલમાં.
ભાજપના કાર્યકર્તાઓ ગેલમાં.

44માંથી 41 બેઠક સાથે ભાજપે સ્પષ્ટ બહુમતી મેળવી
11 વોર્ડની 44 બેઠકો પર થયેલી મતગણતરીમાં ભાજપને સ્પષ્ટ બહુમતી મળી છે. 44 બેઠકોમાંથી 41 બેઠકો પર ભાજપે વિજય મેળવ્યો છે. ગાંધીનગર મહાનગરપાલિકા બની ત્યાથી અત્યારસુધીમાં આ પહેલીવાર થયું છેકે, ભાજપને આ મનપામાં સ્પષ્ટ બહુમતી મળી હોય. જ્યારે કોંગ્રેસને માત્ર બેજ બેઠક તો આપ કે જે આ ચૂંટણીમાં મોટી ભૂમિકા ભજવશે તેવું મનાતું હતું તેને એકજ બેઠક મળી છે.

11માંથી 8 વોર્ડમાં ભાજપની આખેઆખી પેનલ જીતી
11 વોર્ડની ચૂંટણીના પરિણામ જોઇએ તો 8 વોર્ડ એવા છે. જેમાં ભાજપની આખેઆખી પેનલ જીતી છે. જેમાં વોર્ડ નંબર 1, વોર્ડ-4, વોર્ડ-5, વોર્ડ-7, વોર્ડ-8, વોર્ડ-9, વોર્ડ-10 અને 11માં ભાજપના તમામ ઉમેદવાર વિજયી થયા છે.

જનતાએ બે વખત તક આપી, પણ કોંગ્રેસ સાચવી ન શકી!
2011માં મનપાની પ્રથમ ચૂંટણીમાં કોંગ્રેસના 18 અને ભાજપના 15 ઉમેદવારો વિજેતા થયા હતા. ગાંધીનગરના પ્રથમ મેયર મહેન્દ્રસિંહ રાણાએ ઓક્ટોબર-2012માં પેનલના બે સભ્યો સાથે પક્ષપલટો કરી સત્તા ભાજપના ખોળામાં આપી દીધી હતી. કોંગ્રેસના નેતાઓના પક્ષપલટાથી અનેક મતદારો કોંગ્રેસથી વિમુખ થઈ ગયા હતા, જેને પગલે 2016ની ચૂંટણીમાં ભાજપ-કોંગ્રેસ બંનેને 16-16 બેઠક મળી હતી. એમાં ભાજપને કુલ 1,29,733 મત, જ્યારે કોંગ્રેસને 1,36,095 મત મળ્યા હતા, એટલે કે એ સમયે પણ કોંગ્રેસ તરફ જનતાનો ઝોક વધુ રહેતાં તેને 6362 મત વધુ મળ્યા હતા. જોકે પોતાના નેતાઓને સાચવી ન શકનારી કોંગ્રેસમાં ફરી પક્ષપલટો થયો હતો, જેમાં પ્રવીણ પટેલ પક્ષપલટો કરીને મેયર બની ગયા હતા અને ફરી સત્તા ભાજપના ખોળામાં જતી રહી હતી.

અન્ય સમાચારો પણ છે...