સરકારનો નિર્ણય:રાજ્યની પ્રાથમિક શાળાઓમાં 18મી ફેબ્રુઆરીથી ધોરણ 6થી 8ના વર્ગો પુનઃ શરૂ કરાશે, હાજરી સ્વૈચ્છિક, પરંતુ વાલીનો સંમતિપત્ર ફરજિયાત

રાજ્યમાં આગામી ગુરૂવાર તારીખ 18મી ફેબ્રુઆરી 2021થી ધોરણ 6થી 8ના વર્ગખંડોમાં પુનઃ શિક્ષણ કાર્ય શરૂ કરવામાં આવશે. શિક્ષણ વિભાગે આ અંગે બહાર પાડેલા ઠરાવમાં જણાવ્યા અનુસાર રાજ્યમાં આવેલી તમામ બોર્ડની પ્રાથમિક શાળાઓના ધોરણ 6થી 8 માટે વર્ગખંડ શિક્ષણ પુનઃ શરૂ કરવાનું રહેશે. જેમાં કોરોનાની ગાઈડલાઈનનું ચુસ્ત પાલન કરવાનું રહેશે. આ ઓફલાઈન પ્રત્યક્ષ શિક્ષણ કાર્યમાં હાજરી સ્વૈચ્છિક રહેશે, તેમજ વિદ્યાર્થીઓના વાલી પાસેથી શિક્ષણ સંસ્થાએ નિયત સંમતિપત્ર મેળવવાનો રહેશે.

કોરોના સંક્રમણ રોકવા ગાઇડ લાઇન્સનું ચૂસ્ત પાલન
શિક્ષણ સચિવ વિનોદ રાવે આ ઠરાવના સંદર્ભમાં વધુ વિગતો આપતા જણાવ્યું કે, રાજ્યમાં આવેલી તમામ બોર્ડની પ્રાથમિક શાળાઓ એટલે કે ધોરણ 6થી 8ના વર્ગોમાં ભૌતિક શિક્ષણ કાર્ય શરૂ કરવામાં આવશે. સાથે આવી શાળાઓએ કોરોના સંક્રમણ નિયંત્રણ માટેની ભારત સરકારની ગાઇડ લાઇન્સ તેમજ રાજ્યના શિક્ષણ વિભાગની તારીખ 8મી જાન્યુઆરી-2021ના જારી કરવામાં આવેલી માર્ગદર્શિકાનું ચુસ્તપણે પાલન કરવાનું છે. આ હેતુસર તમામ જિલ્લાના શિક્ષણાધિકારીઓ તેમજ પ્રાથમિક શિક્ષણાધિકારીઓને શાળાઓ SOPનું પાલન અવશ્ય કરે તે સુનિશ્ચિત કરવા સૂચનાઓ આપી દેવામાં આવી છે તેમ પણ શિક્ષણ સચિવે જણાવ્યું હતું.

વર્ગખંડ ન જનાર બાળકો માટે ઓનલાઈન ક્લાસિસ ચાલુ રહેશે
રાજ્યના આરોગ્ય વિભાગની સઘન કામગીરીને પગલે હવે કોરોના સંક્રમણ ઘટ્યું છે, ત્યારે વિદ્યાર્થીઓના લાંબા ગાળાના શૈક્ષણિક હિતને ધ્યાનમાં રાખીને પ્રાથમિક શાળાઓમાં ધોરણ 6થી 8ના વર્ગખંડો પુનઃ શરૂ કરવાનો રાજ્ય સરકારે નિર્ણય કર્યો છે. આ ઓફલાઈન પ્રત્યક્ષ શિક્ષણ કાર્યમાં હાજરી સ્વૈચ્છિક રહેશે તેમજ વિદ્યાર્થીઓના વાલી પાસેથી શિક્ષણ સંસ્થાએ નિયત સંમતિપત્ર મેળવવાનો રહેશે. જે વિદ્યાર્થીઓ વર્ગખંડમાં શિક્ષણમાં ન જોડાય તેમના માટે ઓનલાઇન ક્લાસિસની હાલની વ્યવસ્થા સંબંધિત સંસ્થા-શાળાઓએ ચાલુ રાખવાની રહેશે.

આ પણ વાંચો, અમદાવાદમાં ધોરણ 9થી11ના વર્ગો શરૂ, વિદ્યાર્થીઓએ કહ્યું અમને સ્કૂલમાં ભણવાની મજા આવે છે, અમે ડિસ્ટન્સિંગ સાથે સ્કૂલમાં ભણવા માટે તૈયાર છીએ

કોરોનાના ડર અને વેલેન્ટાઈન વીકના ઉત્સાહ વચ્ચે અમદાવાદમાં ફર્સ્ટ યરના વિદ્યાર્થીઓનો કોલેજમાં પ્રથમ દિવસ

સ્કૂલે આવ્યાની ખુશી:અમદાવાદમાં સ્કૂલે ગયેલા વિદ્યાર્થીઓએ શિક્ષકો અને મિત્રોને મળીને ખુશીની લાગણી અનુભવી, સંમતિ પત્રક સાથે પ્રવેશ અપાયો

ગુજરાતમાં 8મી ફેબ્રુઆરીથી રાજ્યભરની કોલેજોના ફર્સ્ટ યરના શૈક્ષણિક કાર્ય શરૂ, સોશિયલ ડિસ્ટન્સ સહિતની SOP સાથે વર્ગખંડમાં સ્ટુડન્ટ બેસશે

શાળા તો ખૂલી પણ હજુ આ પાંચ બાબતો પર અવઢવ
1. યુનિફોર્મનું શું? નવો ખરીદવો પડશે?
-જે ધોરણમાં યુનિફોર્મ બદલાય છે તથા સ્કૂલો બંધ હોવાથી જેમણે યુનિફોર્મ ખરીદ્યો ન હતો તેઓ હવે માત્ર 2 મહિના માટે યુનિફોર્મ ખરીદશે?
2. પરીક્ષાઓ અંગે નિર્ણય ક્યારે લેવાશે?
-પ્રાથમિક સ્કૂલોમાં પરીક્ષાઓ કેવી રીતે લેવાશે અંગે અવઢવ યથાવત. આ અંગે ઝટ નિર્ણયની અપેક્ષા.
3. ઑફલાઇન સાથે ઑનલાઇન ક્લાસ
-શિક્ષકોએ ઑફલાઇન ક્લાસની સાથે ઑનલાઇન પણ ભણાવવું પડશે.
4. સ્કૂલે આવ-જા માટે ટ્રાન્સપોર્ટેશનનું શું? સ્કૂલ વૅન ક્યારથી શરૂ થશે?
-આ અંગે સ્કૂલો-વાલીઓ અવઢવમાં છે. જો કે સોશિયલ ડિસ્ટન્સિંગ જળવાય એ રીતે વાલીઓ જાતે બાળકોને મોકલવાની વ્યવસ્થા કરે એ વધારે ઇચ્છનીય છે.
5. વર્ષ પૂરું થવા આવ્યું છે ત્યારે હવે શરૂ થયેલી સ્કૂલોમાં શું ભણાવવામાં આવશે?
-સ્કૂલો જણાવે છે કે અભ્યાસક્રમ પૂરો થઈ ગયો હોવાથી રિવિઝન તથા પરીક્ષાલક્ષી તૈયારી કરાવાશે.

કન્ટેનમેન્ટ ઝોનની સ્કૂલ શરૂ નહીં કરાય
કોરોના સંક્રમિત થાય તેવા વિદ્યાર્થી-શિક્ષક કે અન્ય સ્ટાફને શાળાએ ન આવવા તેમજ કન્ટેનમેન્ટ ઝોનમાં આવેલી શાળાઓ શરૂ ન કરવાની સૂચનાઓ પણ શિક્ષણ વિભાગના ઠરાવમાં આપવામાં આવી છે. ધોરણ 6 થી 8ના વર્ગખંડોમાં વિદ્યાર્થીઓ વચ્ચે સોશિયલ ડિસ્ટન્સ જળવાય, દરેક વિદ્યાર્થી , શિક્ષકગણ માસ્કનો ફરજિયાત ઉપયોગ કરે તેમજ SOPની અન્ય બાબતોનું પણ પાલન થાય તેની ખાસ તાકીદ પણ કરવામાં આવી છે.

તબક્કાવાર સ્કૂલ કોલેજ શરૂ કરાઈ રહ્યા છે
રાજ્ય સરકારે કોરોના સંક્રમણ દરમિયાન પણ વિદ્યાર્થીઓના વ્યાપક હિતમાં ઓનલાઇન શિક્ષણ વ્યવસ્થા ઊભી કરી શૈક્ષણિક કાર્ય ચાલુ રાખ્યું હતું અને વિદ્યાર્થીઓનો અભ્યાસ ન બગડે તેની કાળજી લીધી હતી. કોરોનાની સ્થિતિમાં સુધારો થતાં ત્યારબાદ ક્રમશઃ વર્ગખંડ શિક્ષણ કાર્ય શરૂ કરવામાં આવ્યું છે. જ્યારે તારીખ 11 જાન્યુઆરીથી રાજ્યમાં ધોરણ 10-12 અને સ્નાતક અનુસ્નાતક કક્ષાના અંતિમ વર્ષના વર્ગખંડ શરૂ કરવામાં આવ્યા છે. ધોરણ 9 અને 11ના વર્ગખંડો તારીખ 1લી ફેબ્રુઆરીથી પુનઃ શરૂ થઈ ગયા છે. તેમજ તારીખ 8મી ફેબ્રુઆરીથી કોલેજના પ્રથમ વર્ષના વર્ગો પણ કાર્યરત કરી દેવામાં આવ્યા છે. ધોરણ 9થી 12ના વર્ગોમાં શરૂઆતના તબક્કે 40 ટકા જેટલા વિદ્યાર્થીઓ આ વર્ગખંડ શિક્ષણમાં જોડાયા હતા, તે સંખ્યા હવે વધીને 70થી 72 ટકા જેટલી થઈ ગઈ છે.

SOP જાહેર કરવામાં આવી