કલાકોમાં જ સરકારનો યુ-ટર્ન:રાજ્યની તમામ યુનિવર્સિટીની અંતિમ વર્ષની પરીક્ષા હાલ મોકૂફ, કેન્દ્રની ગાઈડલાઈનના કારણે નિર્ણય બદલ્યો

આજે મળેલી કેબિનેટની બેઠકમાં રાજ્યમાં તમામ યુનિવસિર્ટીમાં અંતિમ વર્ષની પરીક્ષા યોજવાનો નિર્ણય લેવાયો હતો. શિક્ષણમંત્રી ભૂપેન્દ્રસિંહ ચુડાસમાએ પરીક્ષા યોજવાની જાહેરાત કરી હતી.  જો કે સાંજ પડતા જ નિર્ણયને કેન્દ્રની ગાઈડલાઈનો હવાલો આપીને રદ્દ કરવામાં આવી છે. ઉલ્લેખનીય છે કે, કોરોનાના કપરાં કાળમાં આવતી કાલથી ગુજરાત ટેક્નોલોજીક યુનિવર્સિટી (GTU)ની પરીક્ષા યોજાવાની હતી. પરતું તમામ પરીક્ષાઓ રદ્દ કરી દેવાઈ છે.

આ પરીક્ષાઓ હાલ પૂરતી મુલત્વી રાખવાનો નિર્ણયઃ શિક્ષણમંત્રી
શિક્ષણમંત્રી ભૂપેન્દ્રસિંહ ચુડાસમાએ આ અંગેની વિગતો આપતાં કહ્યું કે, ભારત સરકારના શિક્ષણ સચિવે પ્રવર્તમાન સ્થિતીમાં દેશના રાજ્યોને દિશાનિર્દેશ આપ્યા છે કે યુનિવર્સિટીઓની પરીક્ષાઓ હાલ પૂરતી મોકૂફ રાખવામાં આવે. દેશના રાજ્યોની યુનિવર્સિટીઓમાં પરીક્ષા સંદર્ભે એકસૂત્રતા અને સમાનતા જળવાઇ રહે તેવા હેતુસર ભારત સરકારના શિક્ષણ વિભાગે આ પરીક્ષાઓ હાલ પૂરતી મુલત્વી રાખવાનો નિર્ણય કર્યો છે. આ દિશાનિર્દેશોને પગલે મુખ્યમંત્રી સાથે પરામર્શ કરીને શિક્ષણ વિભાગે પણ ગુજરાતમાં 2 જુલાઇથી શરૂ થનારી GTU સહિતની અન્ય યુનિવર્સિટીઓની આગામી દિવસોમાં લેવાનારી પરીક્ષાઓ મુલત્વી રાખવાનો નિર્ણય કર્યો છે. આ પરીક્ષા ભવિષ્યમાં નવી તારીખ આપીને લેવામાં આવશે. 

પરીક્ષાના વિકલ્પો આપવામાં આવ્યા
શિક્ષણમંત્રી ભૂપેન્દ્રસિંહ ચુડાસમાએ આ વર્ષે તમામ યુનિવર્સિટીની છેલ્લા વર્ષની પરીક્ષા યોજવામાં આવશે તેવી જાહેરાત કરી હતી. સાથે જ વિદ્યાર્થીઓને પરીક્ષા આપવા માટે વિકલ્પો પણ આપ્યા હતા. જેમાં ઓનલાઈન, ઓફલાઈન અને બંને રીતે પરીક્ષા ન આપી શકે તો અલગથી યોજાનાર પરીક્ષામાં વિદ્યાર્થી બેસી શકે તેવી વ્યવસ્થા કરવામાં આવશે તેવી જાહેરાત કરાઈ હતી..

આવતી કાલે GTUની પરીક્ષા યોજવા નક્કી કરાયું હતું
આવતી કાલથી GTUની છેલ્લા વર્ષની પરીક્ષાઓનો પ્રારંભ થવાનો હતો અને 350 જેટલા સેન્ટર ખાતે પરીક્ષા લેવામાં આવનાર હતી. કોરોનાને પગલે આરોગ્ય વિભાગ દ્વારા જારી કરાયેલી સોશિયલ ડિસ્ટન્સ અને માસ્ક સેનિટાઈઝરની વ્યવસ્થા અને પોલીસ રક્ષણ સાથે પરીક્ષા લેવાનું નક્કી કરાયું હતું.

સરકાર દ્વારા પરીક્ષા લેવાનો નિર્ણય લેવાયો હતો તેમાં,