સચિવાલયમાં ધરખમ ફેરફારો નક્કી:CM ભૂપેન્દ્ર પટેલ IAS અધિકારીઓની બદલીનું લિસ્ટ લઈને દિલ્હીથી આવ્યા; ટૂંક સમયમાં કરશે જાહેરાત

ગાંધીનગર3 મહિનો પહેલા
ભૂપેન્દ્ર પટેલ, મુખ્યમંત્રી, ગુજરાત-ફાઇલ તસવીર.
  • લગભગ તમામ વિભાગના અધિકારીઓની બદલી થશે, રાજીવકુમાર ગુપ્તાને ઉદ્યોગમાંથી નહીં બદલવામાં આવે

નવી સરકાર રચાયા બાદ સચિવાલયમાં અધિકારીઓની ધરખમ બદલી થવા જઈ રહી છે. મુખ્યમંત્રી ભૂપેન્દ્ર પટેલે સોમવારે વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ સાથે દિલ્હીમાં મુલાકાત કરી હતી. આ દરમિયાન તેમને અધિકારીઓની બદલીની યાદી આપી દેવાઈ હોવાનું સૂત્રો જણાવે છે.

નવા મુખ્યમંત્રી ભૂપેન્દ્ર પટેલ દિલ્હીના પ્રવાસે ગયા હતા, જ્યાં તેમણે PM મોદી સાથે પણ શુભેચ્છા મુલાકાત કરીને તેમને પણ સીમંધર સ્વામીની મૂર્તિ અને પુસ્તક ભેટ આપ્યાં હતાં.
નવા મુખ્યમંત્રી ભૂપેન્દ્ર પટેલ દિલ્હીના પ્રવાસે ગયા હતા, જ્યાં તેમણે PM મોદી સાથે પણ શુભેચ્છા મુલાકાત કરીને તેમને પણ સીમંધર સ્વામીની મૂર્તિ અને પુસ્તક ભેટ આપ્યાં હતાં.

સૂત્રોના મતે ભૂપેન્દ્ર પટેલ પોતાની પાસેના વિભાગોમાં અધિકારીઓની બદલી-નિયુક્તિ કરશે. માત્ર ઉદ્યોગ વિભાગના અધિક મુખ્ય સચિવ રાજીવ કુમાર ગુપ્તા આમાં અપવાદ રહેશે, CMના અધિક મુખ્ય સચિવ પંકજ જોશીને આ હવાલો સોંપાઇ શકે છે. એ સિવાય શિક્ષણ, નાણાં, કૃષિ, મહેસૂલ, આરોગ્ય, પંચાયત, નર્મદા અને પાણી પૂરવઠા જેવા મહત્ત્વના વિભાગોમાં બદલીઓ થવાની શક્યતા છે.

રાષ્ટ્રપતિભવન ખાતે ભૂપેન્દ્ર પટેલે રાષ્ટ્રપતિ રામનાથ કોવિંદ સાથે મુલાકાત કરી તેમને દાદા ભગવાનનું પુસ્તક ભેટ આપ્યું હતું.
રાષ્ટ્રપતિભવન ખાતે ભૂપેન્દ્ર પટેલે રાષ્ટ્રપતિ રામનાથ કોવિંદ સાથે મુલાકાત કરી તેમને દાદા ભગવાનનું પુસ્તક ભેટ આપ્યું હતું.

આનંદીબેન પાસેથી માર્ગદર્શન મેળવ્યાની શક્યતા
સચિવાલયના અધિકારીના જણાવ્યા મુજબ, મુખ્યમંત્રી રવિવારે આનંદીબેન પટેલને મળ્યા હતા. તેમની સાથે પણ સરકારી અધિકારીઓની બદલી અંગે માર્ગદર્શન લીધું હોઇ શકે છે. આ જોતાં આનંદીબેન પટેલના વિશ્વાસુ રહી ચૂકેલા અધિકારીઓની બદલી સચિવાલયમાં મહત્ત્વના વિભાગોમાં થશે.

ભૂપેન્દ્ર પટેલે કેન્દ્રીય ગૃહમંત્રી અમિત શાહ સાથે પણ શુભેચ્છા મુલાકાત કરી હતી અને સીમંધર સ્વામીની મૂર્તિ ભેટ આપી હતી.
ભૂપેન્દ્ર પટેલે કેન્દ્રીય ગૃહમંત્રી અમિત શાહ સાથે પણ શુભેચ્છા મુલાકાત કરી હતી અને સીમંધર સ્વામીની મૂર્તિ ભેટ આપી હતી.

વિધાનસભા સત્રમાં નવા મંત્રીઓ અને અધિકારીઓ
આવતા સપ્તાહે સોમવાર અને મંગળવાર બે દિવસ માટે વિધાનસભાનું ચોમાસુ સત્ર યોજાઈ રહ્યું છે. આ સત્રમાં નવા મંત્રીઓ ઉપરાંત અધિકારી મોટા ભાગના વિભાગોમાં નવાં જ અધિકારીઓ હાજર રહેશે. ત્યાં સુધીમાં મંત્રીઓને પણ અંગત સચિવ અને મદદનીશ મળી જશે.

ઉપરાષ્ટ્રપતિ વેંકૈયા નાયડુ સાથે સૌજન્ય મુલાકાત દરમિયાન મુખ્યમંત્રી ભૂપેન્દ્ર પટેલે તેમને પુષ્પગુચ્છ આપ્યા હતા.
ઉપરાષ્ટ્રપતિ વેંકૈયા નાયડુ સાથે સૌજન્ય મુલાકાત દરમિયાન મુખ્યમંત્રી ભૂપેન્દ્ર પટેલે તેમને પુષ્પગુચ્છ આપ્યા હતા.
અન્ય સમાચારો પણ છે...