નવા સત્રથી શિક્ષણ મોંઘુ બનશે:શૈક્ષણિક વસ્તુઓમાં 25થી 30 ટકાનો વધારો, મોંઘવારીની આગની ઝાળ વાલીઓને દઝાડશે

ગાંધીનગર17 દિવસ પહેલા
  • કૉપી લિંક
  • પ્રિ-પ્રાયમરીથી ધોરણ-12 સુધી ભણાવવા વાલીઓને 2000થી રૂપિયા 5000નો વધારે ખર્ચ કરવો પડશે

નવા શૈક્ષણિક સત્રમાં શૈક્ષણિક વસ્તુઓમાં 30 ટકાના ભાવ વધારાથી શિક્ષણ મોંઘુ બની રહેશે. વાલીઓના ખિસ્સામાં આર્થિક બોઝ વધશે. કેમ કે ફી બાદ હવે પાઠ્ય પુસ્તકો, યુનિફોર્મ, ટ્રાવેલ્સ, નોટબુક, સ્કુલબેગ, શુઝ સહિતની શૈક્ષણિક વસ્તુઓના ભાવમાં વધારો થયો છે. આથી મોંઘવારીના માર વચ્ચે વાલીઓની હાલત દુષ્કાળમાં અધિક માસ જેવી બની રહેશે.

વાલીઓને આર્થિક માર
કોરોનાકાળમાં જ શાળાઓની સ્કુલ ફીની માંગણીને એફઆરસીએ લીલી ઝંડી આપી દેતા ચાલુ શૈક્ષણિક સત્રથી ફીમાં રૂપિયા 800થી 4300ના વધારાનો આર્થિક મારમાંથી વાલીઓને હજુ કળ વળી નથી. ત્યાં તો કાગળ, કાપડ, રો-મટીરીયલ, ભાડુ, મજુરી સહિતના થયેલા ભાવ વધારાને પગલે તેની સીધી અસર શૈક્ષણિક વસ્તુઓના ભાવમાં 25થી 30 ટકાનો વધારો થયો હોવાનું વેપારી કનુભાઇ અને હેમંતભાઇએ જણાવ્યું છે. આથી વાલીઓને નવા શૈક્ષણિક સત્રમાં પ્રિ-પ્રાયમરીથી ધોરણ-12 સુધી ભણાવવા માટે વાલીઓને રૂપિયા 2000થી રૂપિયા 5000નો વધારે ખર્ચ કરવો પડશે.

શાળામાં ચાલતી ઇતર પ્રવૃત્તિઓનો ખર્ચ કરવો પડશે
હાલમાં પ્રિ-પ્રાઈમરી, પ્રાઈમરી અને માધ્યમિકના વિદ્યાર્થીઓ પાસે શિક્ષણ સિવાય અન્ય ઇતર પ્રવૃત્તિઓ શાળાઓ દ્વારા કરાવવામાં આવે છે. ઉપરાંત રમત ગમતમાં ભાગ લેવા માટે જરૂરી વસ્તુની ખરીદી કરાવે છે. વધુમાં શાળામાં અલગ અલગ ગૃપ મુજબની કલર કોડવાળો અલગથી યુનિફોર્મ સપ્તાહમાં એક દિવસ માટે હોય છે. જોકે, શિક્ષણ વિભાગ દ્વારા પ્રિ-પ્રાઈમરીથી ધોરણ-8માં હજુય સત્ર મુજબ શૈક્ષણિક કાર્ય કરાવવામાં આવે છે. આથી ઉપરોક્ત ખર્ચ માત્ર એક સત્રનો રહેશે. જ્યારે બીજા સત્રમાં પાઠ્ય પુસ્તકો, નોટબુક સહિતનો ખર્ચ વધી શકે છે.

પ્રિ-પ્રાયમરીમાં વાલીઓને આટલો ખર્ચ કરવો પડશે

વસ્તુખર્ચ રૂપિયામાં
પુસ્તકો અને નોટબુક400થી 500
સ્કુલબેગ200થી 500
શુઝ અને મોજા250થી 350
ફી1155થી 3350
સ્કુલવાન900થી 1200
યુનિફોર્મ500થી 450

ધોરણ-1થી 8માં વિદ્યાર્થી પાછળ આટલો ખર્ચ થશે

વસ્તુખર્ચ રૂપિયામાં
પુસ્તકો અને નોટબુક1500થી2000
સ્કુલબેગ200થી 800
શુઝ અને મોજા300થી 400
ફી800થી 3925
સ્કુલવાન900થી 1200
યુનિફોર્મ800થી 900

ધોરણ-9 અને 10ના શિક્ષણ માટે આટલો ખર્ચ​​​​​​

વસ્તુખર્ચ રૂપિયામાં
પુસ્તક અને નોટબુક2000થી 3000
સ્કુલબેગ500થી 900
શુઝ અને મોજા400થી 600
ફી1925થી 4100
સ્કુલવાન900થી 1200
યુનિફોર્મ900થી 1000

​​​​​​​ધોરણ-11 અને 12ના શિક્ષણ માટે ખર્ચ​​​​​​​

વસ્તુખર્ચ રૂપિયામાં
પુસ્તક અને નોટબુક(સાયન્સ)10થી 12હજાર
સામાન્ય પ્રવાહ800થી 1000
સ્કુલબેગ1200થી 1500
શુઝ અને મોજા700થી 1000
ફી1913થી 4300
સ્કુલવાન900થી 1200
યુનિફોર્મ1000થી 1500

​​​​​​​

અન્ય સમાચારો પણ છે...