તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

મકાનો મોંઘા થશે:10 વર્ષ બાદ રાજ્ય સરકાર જંત્રીના દરમાં ધરખમ વધારો કરવા સક્રિય, વિધાનસભા સત્ર બાદ નિર્ણય લેવાય તેવી શક્યતા

ગાંધીનગર2 મહિનો પહેલા
પ્રતિકાત્મક તસવીર
  • ગુજરાત સરકારે દોઢ વર્ષ અગાઉ સર્વે કરાવ્યો હતો, પણ કોવિડ ના કારણે જંત્રી દર વધારવામાં આવ્યા નહતા, હવે વધારવા તૈયાર
  • સરકારના નિર્ણયને મોકુફ રખાવવા કે મામુલી વધારા માટે રીયલ એસ્ટેટ દ્વારા દબાણ કરવામાં આવે તેવી શક્યતા

રાજય સરકારે 10 વર્ષ બાદ જંત્રીદર માં જંગી વધારો કરવાનો નિર્ણય કરી લીધો હોવાનું જાણવા મળે છે, વિધાનસભાનું વર્તમાન સત્ર પૂર્ણ થયા બાદ તરત જ આ દિશામાં પ્રક્રિયા શરૂ થવાના નિર્દેશ છે.જંત્રી ના દરમાં વધારો થતાં રિઅલ એસ્ટેટ ક્ષેત્રે પણ ભાવ વધારો થશે.

પ્રોપર્ટી જંત્રીદરમાં વધારો કરવાનું ફાઈનલ કરી દેવાયુ
ગુજરાત સરકારના અત્યંત આધારભુત સુત્રોએ કહ્યું છે કે પ્રોપર્ટી જંત્રીદરમાં વધારો કરવાનું ફાઈનલ કરી દેવામાં આવ્યું છે અને આવતા મહિનામાં પ્રક્રિયા શરૂ કરી દેવામાં આવશે. રાજયમાં 10 વર્ષથી જંત્રીદરમાં કોઈ બદલાવ કરવામાં આવ્યો નથી. એટલે હવે નવા નાણાંકીય વર્ષમાં વધુ એક વખત તે મુલત્વી રાખવાનાં મુડમાં સરકાર નથી અને હવે વહેલીતકે જંત્રીદરમાં વધારો કરવાનું નકકી કરી લીધુ છે.

10 વર્ષથી જંત્રીદરમાં કોઈ ફેરફાર કરવામાં આવ્યો ન હોવાથી રાજય સરકારને મુશ્કેલી પડી રહી છે
10 વર્ષથી જંત્રીદરમાં કોઈ ફેરફાર કરવામાં આવ્યો ન હોવાથી રાજય સરકારને મુશ્કેલી પડી રહી છે

10 વર્ષથી જંત્રીદરમાં કોઈ ફેરફાર કરવામાં આવ્યો નથી
સુત્રોએ એમ કહ્યું છે કે 10-10 વર્ષથી જંત્રીદરમાં કોઈ ફેરફાર કરવામાં આવ્યો ન હોવાના કારણોસર રાજય સરકારને પણ અનેકવિધ મુશ્કેલીઓ પડી રહી છે. ખાસ કરીને જમીન સંપાદનમાં મોટો અવરોધ આવે છે. સંપાદન કરવાની થતી જમીનના જંત્રીદર કરતા બજાર ભાવ ઘણો ઉંચો હોય છે. એટલે જમીન માલીક સરકારને જંત્રીદરે જમીન આપવા તૈયાર થતા નથી. ઘણો વિખવાદ થાય છે આ ઉપરાંત પણ સરકાર જંત્રીદર વધારવા માંગે છે. આ ઉપરાંત જંત્રી દરનો મુદ્દો તાજેતરમાં કોર્ટમાં પણ પહોંચ્યો હતો. અદાલતે પણ નોંધ લીધી હતી અને સરકારને પણ જવાબ આપવો પડયો હતો.

સરકારે દોઢ વર્ષ અગાઉ સર્વે કરાવ્યો હતો
સુત્રોના કહેવા પ્રમાણે જંત્રીદર વધારવાનાં સરકારના નિર્ણયને મોકુફ રખાવવા કે મામુલી વધારા માટે રીયલ એસ્ટેટ દ્વારા દબાણ કરવામાં આવે તેવી શક્યતા છે પણ સરકાર આ વખતે ઝુકવા કે બીલ્ડરોની વાત માનવામાં મૂડમાં નથી. 100 ટકા સુધી જંત્રીદર વધી શકે છે. અર્થાત જંત્રીદર ડબલ થઈ શકે છે.વિધાનસભાના સત્ર બાદ રાજય સરકારની પ્રાયોરીટીમાં આ પ્રક્રિયા હશે. સરકારે દોઢ વર્ષ અગાઉ સર્વે કરાવ્યો હતો. તેમાં થોડા ઘણા ફેરફારો સાથે નવા જંત્રીદર લાગુ પાડવામાં આવે તેવી શકયતા છે.

જમીનના કુલ 9.9 ટકા જંત્રી મુલ્યને સ્ટેમ્પ ડયુટી તરીકે ગણવામાં આવે છે
જમીનના કુલ 9.9 ટકા જંત્રી મુલ્યને સ્ટેમ્પ ડયુટી તરીકે ગણવામાં આવે છે

જમીનના કુલ 9.9 ટકા જંત્રી મુલ્યને સ્ટેમ્પ ડયુટી તરીકે ગણવામાં આવે છે
ગુજરાત સ્ટેમ્પ્સ એક્ટ-1958ની જોગવાઈઓ હેઠળ સ્ટેમ્પ ડયુટીની ગણતરી અને વસુલવામાં આવે છે. કૃષિ જમીનોની ટ્રાન્સફર સામે સ્ટેમ્પ ડયુટીની ગણતરી અને વસુલવા થાય છે. ગુજરાતમાં જમીનના કુલ 9.9 ટકા જંત્રી મુલ્યને સ્ટેમ્પ ડયુટી તરીકે ગણવામાં આવે છે અને જમીનના સ્થાનાંતરણ સામે તે વસુલવામાં આવે છે. શહેરી વિસ્તારમાં બિનખેતી ઉપયોગ માટે જમીન સ્થાનાંતરિત કરવા માટે , જમીનના જંત્રી મૂલ્યના 40 ટકા દરે ગણાય છે, જ્યારે કૃષિ ઉપયોગ માટે જમીનના સ્થાનાંતરણ માટે શહેરી વિસ્તારોમાં 25 ટકા જંત્રી મુલ્ય છે.

2011માં જમીનની જંત્રીની કિંમતમાં વધારો કરાયો હતો
રાજ્યમાં વર્ષ 2011માં જમીનની જંત્રીની કિંમતમાં વધારો કરાયો હતો. આ પછી, તેમાં કોઈ વધારો થયો નથી. હાલ બજારભાવ 1400 ગણા થયા છે, જ્યારે જંત્રીના ભાવમાં કોઈ ફેરફાર કરાયો નથી. જેના લીધે ભ્રષ્ટાચાર વધી રહ્યો છે અને રાજ્ય સરકારને નાણાકીય નુકસાન થઈ રહ્યું છે. અગાઉ આ મુદ્દા પર કરાયેલી જાહેરહિતની અરજી ગુજરાત હાઈકોર્ટે ફગાવી દીધી હતી.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- સમય આકરી મહેનત અને પરીક્ષાનો છે. પરંતુ બદલાતા પરિવેશના કારણે તમે જે નીતિઓ બનાવી છે તેમાં સફળતા ચોક્કસ મળી શકશે. થોડો સમય આત્મ કેન્દ્રિત થઇને વિચારોમાં લગાવો, તમને તમારા અનેક સવાલોનો જવાબ મળી...

વધુ વાંચો